Një atentat me armë zjarri ka ndodhur mesditën e kësaj të diele në mbikalimin e Fushë Krujës.

Burime për Tvklan.al bëjnë me dije se si pasojë e të shtënave kanë mbetur të vdekur 3 persona. Të njëjtat burime raportojne se ka ndërruar jetë Diklen Vata, ndërsa 2 viktima të tjerë nuk janë identifikuar ende pasi trupat e tyre janë shkrumbuar në makinën e cila ka shpërthyer në flakë.

Sipas të njëjtave burime, makina në fjalë është qëlluar nga një mjet tjetër në lëvizje.

Si pasojë e të shtënave, makina ka marrë flakë. Deri më tani janë të paqarta rrethanat e kësaj ngjarjeje të rëndë. Në skenën e krimit ka shkuar policia.

Po ashtu, uniformat blu kanë ngritur postblloqe me qëllim kapjen e autorëve, të cilët mbeten të paidentifikuar./tvklan.al