Gjykata e Posaçme ka pushuar çështjen lidhur me padinë e kreut të grupit të PS kundër kryedemokratit Sali Berisha me akuzat e fyerjes dhe shpifjes.

Çështja është pushuar për shkak te mosparaqitjes së avokatëve të cilët janë në bojkot të seancave në GJKKO.

Kryedemokrati Sali Berisha publikoi në muajin prill një mesazh të marrë sipas tij nga qytetari dixhital, në të cilin theksohej se “Balla ka nxjerrë nga burgu i Peqinit vrasësin e rrezikshëm Mario Çela dhe e ka dërguar në një dhomë urgjence në spitalin e Elbasanit”.