STOP-EMISIONI 159(Sezoni 6) 15 Prill 2021- Skandali/ Si u zhduken milionat me koncensionin e kontrollit te mjeteve SGS. – Stop
STOP

STOP-EMISIONI 159(Sezoni 6) 15 Prill 2021- Skandali/ Si u zhduken milionat me koncensionin e kontrollit te mjeteve SGS.

Sipas një VKM-je të 3 shtatorit 2009, Ministria e Punëve Publike Transportit dhe Telekomunikacionit, jep me koncesion Kontrollin teknik të detyrueshëm të mjeteve rrugore, ose kolaudimin e makinës SGS.Vlera e investimit në këtë kontratë, ishte 561 milionë lekë, ku 267 milionë ishin investim në pajisje Elektro-Mekanike dhe Kompjuterike, apo një rifreskim i të gjithë strukturës mekanike dhe kompjuterike, që në atë kohë ofrohej nga shteti.Sapo u lidh kontrata, DPSHTRR u urdhërua, që t’i kalonte SGS-së godinat dhe makineritë në të gjithë Republikën e Shqipërisë, me vlerën e 311 milionë lekëve.
Kjo do të thoshte, se SGS-ja do të merrte lekët, që i merrte shteti dhe që duhet të shkonin për investime publike.Por këto para i shkuan privatit, një shoqërie anonime.Qëllimi, i justifikuar në letra për këtë koncension, ishte, që SGS do të investonte 561 milionë lekë dhe do të rriste cilësinë në këtë shërbim.Por papritur në 2 gusht 2013 ministria e linjës, me anë të një udhëzimi, miratoi rritjen e tarifave për kontrollin teknik të makinave.Nës këtë koncension shteti i dha SGS-së në vitin 2009, 311 milionë lekë asete dhe mori mbrapsht 107 milionë.Plot 204 milionë lekë të reja, janë para, që mungojnë nga taksat e shqiptarëve.

Kryetarja e LSI-së Monika Kryemadhi deklaroi në një takim elektoral në Lushnje, se populli duhet të votojë numrin 6 të LSI-së, pasi edhe Zoti e krijoi botën në 6 ditë.Pak ditë më parë, në Vlorë, Monika Kryemadhi nisi të recitojë një poezi të Fan Nolit, duke thënë, se ishte e Migjenit. Por duket, se reston ia ka kthyer drejtuesi politik i PD-së në Vlorë, Bujar Leskaj, i cili në një takim elektoral, ka recituar vargje të Migjenit dhe në një tjetër takim, poezi të Ali Asllanit.

Pak javë më parë transmetuam apelin për rastin e vajzës së vogël nga Berati, e cila vuan nga skolioza. Zgjidhja e vetme për Noemin, është ndërhyrja kirurgjikale jashtë Shqipërisë.”Stop” dhe “Fundjavë ndryshe” bënë apel për ndihmë për Noemin e vogël dhe 250 bamirës dhuruan 25 mijë euro për nisjen e saj drejt Turqisë dhe operacionin delikat.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *