Jemi në Vlorë për problemin e studentëve, që kanë përfunduar studimet për jurdik në vitin 2022 në Universitetin privat “Pavarësia”, ku janë matrikuluar dhe janë pajisur edhe me diplomë. Por ndërkohë kanë filluar studimet master në Universitetin “Ismail Qemali” dhe në vitin e dytë pengohen, pasi qsha nuk i matrikulon, duke ua quajtur të pavlefshme diplomën, pasi universiteti nuk ka qenë i akredituar. Gezatarja u takua me zëvendësrektorin e universitetit “Pavarësia”, Siri Hoxha, i cili pretendon, se diploma e këtij universiteti është e rregullt dhe zgjidhja duhet kërkuar në ministri. Në universitetin shtetëror “Ismail Qemali” rektori Roland Zisi thotë, se përgjigja e këtij shqetësimi është në Ministrinë e Arsimit dhe Qsha.Sipas tij, regjistrimi i studentëve është bërë, pasi diplomat kanë patur numër matrikulimi dhe refuzimi më pas për matrikulim në master, është bërë nga QSHA-ja. Vetë QSHA thotë në përgjigjen zyrtare, se kur studentët janë matrikuluar në ciklin e parë të studimeve në Universitetin “Pavarësia”, është marrë parasysh licensa në vitin 2009. Ndërkohë në vitin 2022 nuk matrikulohen, sepse universiteti në 2019-2022 ka qenë i pa akredituar. Kjo ndodh, kur ky institucion ishte ai, që i matrikuloi në 2019-ën.Kulmi i kësaj historie, është njohja si të vlefshme nga ana e Ministrisë së Arsimit për diplomat e lëshuara nga kolegji universitar “Pavarësia” dhe nga QSHA jo. Dhe së fundi në 6 dhjetor 2023 është marrë vendimi nga Këshilli i Ministrave për mbylljen e këtij universiteti.
Në 16 nëntor transmetuam denoncimin e zotit Seit Çullhaj, i cili tha, se i ati, Ramazan Cullhaj, kishte ndërruar jetë në vitin 2008, por familjarët nuk e cregjistruan në gjendjen civile. Kur donin të shisnin tokën, kërkohej firma e tij. Në këtë moment, Seiti iu drejtua njësisë për cregjistrim në gjendjen civile. Meqë kishte kaluar afati, Seiti shkoi në Gjykatën e Shkallës së parë, e cila vendosi cregjistrimin e të ndjerit.Por bashkia e ankimoi vendimin në Apel, ku që nga 2018-ta nuk u vendos një datë për shqyrtim.Në sistemin e gjendjes civile në Njësinë 6 Kombinat, Ramazani rezultonte i gjallë. Iu drejtuam ISSH-së dhe mësuam, se i ndjeri merrte pension.Specialistja e ISSH-së shpjegoi, se kishte akt konstatimet, me 8 autorizime, ku 7 herë te karta e id-së ishin fotot e të birit dhe tek e 8-ta dikush tjetër, me po këto të dhëna. Ne i kërkuam Gjykatës së Apelit përshpejtimin e shqyrtimit të cështjes dhe bashkë me qytetarin i bëmë kallzim njësisë 6, Administratorit Adriatik Merko, Zyrës së Gjendjes Civile, juristit Qemal Hysa si dhe punonjëses së postës 28 Kombinat.Pas kërkesës sonë, u zhvillua seanca në Apel, që la në fuqi vendimin e shkallës së parë për vdekjen e të ndjerit.Pas kallzimit, Seitin e kanë thirrur në prokurori, për të dëshmuar edhe për tërheqjen e pensionit të të atit nga persona të panjohur.
Në redaksinë tonë ka mbërritur një video, ku një grup fëmijësh këndojnë e festojnë për festat e fundvitit.Por e vecanta e këtij kori fëmijësh, është, se janë në Gjenevë, të kombësive të ndryshme, e kanë zgjedhur këngën shqipe “Ja na erdhi viti i ri”.
