E Diel, 22 Nëntor 2026
Lajm i fundit
“Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit Ishte nën hetim vrasjen e gjyqtarit Paolo Borsellino, vret veten ish-kreu i policisë italiane
STOP

STOP-EMISIONI 51(Sezoni 11) 12 Nentor 2025-“Te hysh në dore te mjekeve, te marrin ne qafe”, mashtruesja shet krem per kancer.

Jemi në Berat, për një rast mashtrimi me pasoja të rrezikshme në shëndet. 30 vjecarja Sevdie Duleviç, shiste në rrjete sociale kremra bimorë, që pretendonte, se shëronin kancerin e lëkurës. Ajo përdorte faqen “Bio Binjaku Berat”, ngaku prezantohej si mjeke dermatologe. Me kamera të fshehtë, Duleviç u kap, duke u thënë qytetarëve, se kanceri i lëkurës është i lehtë për t’u shëruar. Ajo ofronte kremra “organikë të certifikuar nga BE”, me çmim 320 mijë lekë të vjetra për një kurë të plotë. Produktet përgatiteshin në kushte artizanale dhe të pasigurta higjienikisht, me vajra të përzier dhe pa asnjë autorizim mjekësor apo laboratorik. Disa produkte ishin të skaduar dhe shiteshin edhe në Kosovë, apo Gjermani, pa deklarim të të ardhurave.Pas interesimit tonë, në bashkëpunim me Prokuroren e Beratit, Edina Kurti, dhe Policinë e Beratit, Duleviç u arrestua dhe procedua penalisht për 3 vepra penale,mashtrim, fshehje të të ardhurave dhe prodhim i kundërligjshëm i artikujve industrialë dhe ushqimorë.Hetimet zbuluan, se ajo është e bija e Eqerem Duleviç, i denoncuar më herët nga “Stop” për aktivitet të ngjashëm në Fier.

Një udhëzim i presidentit Trump kërkon kufizimin e vizave për shtetasit e huaj obezë e me diabet. Sipas këtij udhëzimi, punonjësit e konsullatave duhet të marrin në konsideratë shëndetin e aplikantit, pasi kjo kategori, mund të kthehet në barrë publike për SHBA-të.

Në fund të shtatorit të këtij viti transmetuam denoncimin e zonjës Florenca Zeqo. Ajo tregoi, se Prokurorja Esmeralda Basho i kishte sekuestruar padrejtësisht makinën, një BMË X5 me vlerë 20 mijë euro, pa qenë pjesë e ndonjë procedure penale ndaj saj. Gjykata nxorri urdhër të prerë për kthimin e mjetit, por prokurorja Basho refuzoi ta kthejë makinën, duke u nxjerrë pretendime të rreme. Gjatë verifikimeve në pikën e sekuestrimit në Sarandë, policia konfirmoi, se nuk kishte marrë asnjë urdhër për kthimin e makinës. Kur e pyetëm zonjën Basho, se pse e mbante makinën të bllokuar, ajo gënjeu duke thënë, se ka nxjerrë urdhrin e zhbllokimit.Gati dy muaj pas transmetimit, automjeti i bllokuar nuk është kthyer. Tre ish-prokurorë, Eugen Beci, Gentjan Ternova dhe Ervin Karanxha shpjegojnë detyrimin ligjor, që ka prokurori, për të ndjekur ekzekutimin e vendimit, që nxjerr vetë.

Lër një koment

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑