Presidenti i Shteteve të Bashkuara të Amerikës shihet në një video ku ndërsa mban një fjalim, ndërpret çfarë po thotë dhe nis të këndojë.
“Zonja dhe zotërinj ky është himni ynë kombëtar,” – dëgjohet të thotë presidenti dhe më pas nis të këndojë “Baby Shark”, këngën për fëmijë.
Sigurisht, që kjo nuk është një “lajthitje” siç komentuan njerëzit gjerësisht në rrjete sociale pasi videoja u bë virale, por një mashtrim.
Bëhet fjalë për pamje nga fjalimi i Biden në një kolegj komunitar në Irvine, Kaliforni, të premten të cilat janë manipuluar duke përdorur teknologjinë dhe duket sikur po këndon “Baby Shark”.
Videoja, e cila u shfaq për herë të parë në TikTok, ka qarkulluar gjerësisht në mediat sociale ditët e fundit.
