E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
KLIPET

U gjet i varur ne pyllin e Voskopojes, prokurorja mbyll ceshtjen!- Stop – 27 Tetor 2020

Në 14 qershor 2018 në pyllin e Voskopojës u gjet i varur në një pemë 18 Antonio Karafili.Personi, që e pa për herë të fundit në jetë Antonion, ishte e dashura e tij, Kejsi Spaillari, 17 vjec nga Korca. Ajo tregon, se atë ditë rreth orës 17 janë takuar me xhaxhain e saj dhe djalin e xhaxhait, për të sqaruar një sherr mes këtyre të fundit dhe Antonios.Debati u mbyll dhe Antonio e Kejsi shkuan në Voskopojë tek lokali i prindërve të Antonios, Taverna Mishel. Në këtë moment, Kejsi kujton, se Antonio i bëri skena xhelozie, duke hedhur dyshime, se ajo kishte një lidhje tjetër. Ata u ndanë dhe rreth orës 20 të mbrëmjes Kejsi me të ëmën dhe vëllain e të dashurit, u ngjitën për në Voskopojë.Në këtë pikë e ëma e të ndjerit, Mimoza Karafili, tregon me detaje, sesi u njoftua nga e dashura e djalit, se Antonio ishte në dhe ajo vetë e gjeti atë të lidhur e të pajetë në një pishë.Familjarët dyshojnë, se djali i tyre nuk është vetvarur, po është vrarë. Në një bisedë mes të dashurës dhe të ëmës së të ndjerit, Kejsi thotë, se ka dyshime, që Antonion e kanë vrarë. Ajo tregon, se viktima kishte në kokë një gropë dhe dyshon, se aktin e vrasjes mund ta ketë kryer xhaxhai i saj Milen Spaillari. Nje tjetër dëshmitar okular është shprehur, se atë natë në pyll, ka parë dhe dëgjuar 4 persona, që bërtisnin. Por dëshmitari, 65 vjecari Rexhep Vathi, dëgjohet të porosisë Kejsin të ketë kujdes, pasi ai vetë nuk do të tregojë, se cfarë ka parë atë natë në pyll.

Lidhur me vrasjen apo vetvarjen e të riut Antonio Karafili, prokurorja Oli Visi, doli me vendimin e mosfillimit të hetimeve, duke konkluduar, se 18 vjecari ishte vetvarur dhe vdekja i kishte ardhur si pasojë e asfiksisë.Mjeku ligjor Gjergji Kacauni vetëm në një faqe përshkrim, evidenton shenja dhune në trupin e 18 vjecarit, por nuk sqaron shkakun e tyre.Akti i dytë, akoma më i turpshëm nga mjeku Elmaz Shaqiri, edhe pse ka bërë zhvarrimin e trupit të të riut, flet sërish për shenja dhune, pa u ndalur te shkaku.Për këto arsye, gjykata në Korcë e ktheu cështjen për hetim të detajuar, pasi prokurorja Oli Visi në rastin më të mirë nuk kishte hetuar e në rastin më të keq, e kishte mbuluar këtë ngjarje.

Në këtë pikë cështja i kaloi prokurores Odeta Todorushi, e cila nuk duket të ketë vullnet për të zbardhur këtë ngjarje. “Stop” bën një provë, duke inskenuar vetëvrasjen e të riut Antonio Karafili.Ai ishte i gjatë 180 cm, ndërkohë, sipas prokurorisë së Korcës, ai del 148 cm i gjatë, dhe nëse Antonio do të kishte vrarë veten,do t’i binin këmbët në tokë dhe nuk mund të humbte jetën nga asfiksia.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑