Pas transmetimit në emisionin “Stop” të rastit të shitjes së metadonit në kundërshtim me ligjin kundrejt 3 mijë Lekëve, janë referuar materiale në Prokurori dhe ka nisur procedimi penal në gjendje të lirë për 50-vjeçarin Fatmir Spahiu, punonjës i qendrës për shitjen e Metadonit në Berat.
50-vjeçari akuzohet për veprën penale “Prodhimi dhe tregtimi i barnave dhe pajisjeve mjekësore të falsifikuara ose të rrezikshme për jetën dhe shëndetin”.
“Stop” denoncoi me mbrëmjen e djeshme mjekun Fatmir Spahiu, i cili jepte metadon me para, madje duke e shitur me shumicë te persona të caktuar, të cilët e rishesin më pas.
