Një ekip hulumtues në Hangzhou, Kinë, zbuloi se konsumimi i shpeshtë i ushqimeve të skuqura, veçanërisht patateve të skuqura, lidhej me një rrezik 12% më të lartë të ankthit dhe 7% rrezik më të lartë të depresionit sesa te njerëzit që nuk hanin ushqime të skuqura.

Lidhja ishte më e theksuar mes të rinjve. Megjithatë, ekspertët që studiojnë ushqimin thanë se rezultatet janë paraprake dhe nuk është domosdoshmërish e qartë nëse ushqimet e skuqura po nxisin probleme të shëndetit mendor, apo njerëzit që përjetonin simptoma të depresionit ose ankthit iu drejtuan ushqimeve të skuqura.

Studimi vlerësoi 140,728 njerëz mbi 11.3 vjet. Pas përjashtimit të pjesëmarrësve të diagnostikuar me depresion brenda dy viteve të para, gjithsej 8,294 raste ankthi dhe 12,735 raste depresioni u gjetën tek ata që konsumuan ushqim të skuqur, ndërsa patatet e skuqura veçanërisht kishin një rritje prej 2% në rrezikun e depresionit, madje më shumë se mishi i bardhë i skuqur.