E Diel, 22 Nëntor 2026
Lajm i fundit
“Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit Ishte nën hetim vrasjen e gjyqtarit Paolo Borsellino, vret veten ish-kreu i policisë italiane
STOP

STOP-EMISIONI 21(Sezoni 11) 30 Shtator 2025-Prokurorja Basho mban peng makinën 20 mijë euro, refuzon gjykatën dhe gënjen.

Florenca Zeqo denoncon, se Prokurorja Esmeralda Basho i ka sekuestruar padrejtësisht makinën, një BMË X5 me vlerë 20 mijë euro, që prej dy vitesh, pa qenë pjesë e ndonjë procedure penale ndaj saj. Gjykata ka nxjerrë urdhër të prerë për kthimin e mjetit që prej tre muajsh, por prokurorja Basho refuzon ta kthejë makinën dhe mban peng automjetin, duke u nxjerrë pretendime të rreme. Gjatë verifikimeve në pikën e sekuestrimit në Sarandë, policia konfirmon, se nuk ka marrë asnjë urdhër për kthimin e makinës. Kur e pyesim zonjën Basho, se pse e mban makinën të bllokuar, ajo gënjen duke thënë, se ka nxjerrë urdhrin e zhbllokimit.“Stop” zbulon, se Basho gëzon mbrojtjen e KLP-së, institucionit që, në vend që ta kritikojë, e mbështet në veprimet e dyshimta.

Në një intervistë televizive mbrëmjen e djeshme, Monika Kryemadhi tha, se ndjen mungesën e Ilir Metës, pasi ai është heroi i saj dhe njeriu, që e formësoi si individ. Në të njëjtën intervistë, Kryemadhi bëri kritika të forta ndaj ish-ambasadores amerikane Juri Kim, për të cilën deklaroi, se ishte tripolare në aspektin politik, emocional dhe seksual,” duke e lidhur ndërhyrjen e saj me procesin e zgjedhjes së kreut të SPAK.

Tre shoferët e ambulancave në Qendrën Shëndetësore të Mamurrasit denoncojnë në emisionin “Stop” se, prej qershorit 2024, nuk po marrin më shtesën e pagës të miratuar nga VKM-ja për stafin mbështetës në shëndetësi. Ata janë informuar nga Drejtoria e Fondit në Lezhë, se kjo shtesë u takon vetëm shoferëve të spitaleve, jo atyre të qendrave shëndetësore. Megjithatë, një ndryshim i VKM-së në tetor 2024 përfshin qartë edhe shoferët e qendrave shëndetësore, fakt, që zyrtarët lokalë nuk e kanë njohur apo zbatuar.Përveç kësaj, shoferët pretendojnë, se prej 7 vitesh nuk janë paguar për orët shtesë të punës, ndonëse punojnë 24 orë dhe mbulojnë të gjitha rastet urgjente, jo vetëm në Mamurras, por edhe në zonat përreth. Aleksandër Zefi, shefi i sektorit të kujdesit shëndetsor Lezhë, është shprehur, që shtesa nuk u takon këtyre shoferëve, sipas vkm-së në maj 2024. Ndërkohë në Vkm-në e ndryshuar në tetor, futen në shtesë page edhe shoferët e qëndrave shëndetësore, gjë për të cilën, Zefi nuk ka dijeni. Përsa i takon orëve shtesë, na thuhet, se do të paguhen nga ky moment, ndërkohë që shoferët nuk i kanë marrë për 7 vjet.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑