STOP-EMISIONI 184(Sezoni 6) 20 Maj 2021-Denoncimi/ Gjykata vendos rihapje hetimesh per vrasje per Antonio Karafilin.

Në fund të tetorit 2020 transmetuam ngjarjen e ndodhur në 14 qershor 2018 në pyllin e Voskopojës, ku u gjet i varur në një pemë 18 vjecari Antonio Karafili.Personi, që e pa për herë të fundit në jetë Antonion, ishte e dashura e tij, Kejsi Spaillari, 17 vjec nga Korca. Ajo tregoi, se atë ditë rreth orës 17 janë takuar me xhaxhain e saj dhe djalin e xhaxhait, për të sqaruar një sherr mes këtyre të fundit dhe Antonios. Kejsi tha, se Antonio i bëri skena xhelozie, duke hedhur dyshime, se ajo kishte një lidhje tjetër. Ata u ndanë dhe rreth orës 20 të mbrëmjes dhe Kejsi me të ëmën dhe vëllain e të dashurit, u ngjitën për në Voskopojë.E ëma e të ndjerit, Mimoza Karafili, tregoi me detaje, sesi u njoftua nga e dashura e djalit, për vdekjen e djalit dhe ajo vetë e gjeti atë të lidhur e të pajetë në një pishë.Familjarët dyshojnë, se djali i tyre nuk është vetvarur, po është vrarë. Mamaja e të riut të ndjerë na tregon, se pas publikimit të rastit prokurorja Odeta Todorushi nuk ka bërë asnjë gjë, madje ka refuzuar t’i presë prindërit, të cilët interesohen cdo ditë për cështjen e djalit të tyre. Pas interesimit të përsëritur të emisionit” Stop”, prokurorja Todorushi ka dërguar pushimin e cështjes në gjykatë, duke konkluduar për vetëvarje dhe jo vrasje.”Stop” analizon shkeljet e bëra në këtë rast, duke nisur me mosrespektimin e vendimit të gjykatë, që ktheu cështjen për hetim.ILD nisi inspektimin për këtë rast dhe cështja u cua në Gjykatën e Korcës. Kjo gjykatë e ktheu sërish cështjen për hetim edhe për 4 muaj dhe tani ky rast do të hetohet për vrasje dhe jo për vetëvarje.

Sot është dita ndërkombtare e bletëve dhe vajzat e “Stop”-it vijnë si të tilla.KAS, komisioni i ankesave dhe sanksioneve vendosi sot, që të rinumërohet 114 kuti votimi në Berat, por vetëm për subjektet zgjedhore.

Në 8 prill transmetuam rastin e Bledar Teferiçit, është mësues historie në profesion. Ai ka një eksperiencë 15- vjecare në mësimdhënie dhe drejtim arsimi. Për nëntë vjet me radhë ka drejtuar Shkollën Profesionale “26 Marsi” në Kavajë.Papritur Ministria e Finanancave, me me anë të një urdhri të dy viteve më parë, e liroi nga detyra për mospërputhje të kritereve të pozicionit të punës.Z.Teferiçi iu drejtua Gjykatës së Rrethit Gjyqësor të Kavajës, e cila vendosi, që Ministria t’i paguajë dëmshpërblim, për shkak të prishjes së kontratës në mënyrë të pajustifikuar, gjithsej 18 muaj pagesë.Po kështu, gjykata kërkoi kthimin e Bledar Tefericit në vendin e punës, ose në një pozicion paralel.Gjykata e Apelit Durrës la në fuqi të njejtin vendim.Por Teferici nuk u fut në punë dhe nuk u dëmshpërblye.Pas interesimit të përsëritur të emisionit “Stop” në Agjencinë Kombëtare për Punësim dhe Aftësi dhe Ministrinë e Financave, Bledar Teferici arriti të fitonte të drejtën e tij dhe të ulet në zyrën e drejtorit të shkollës “26 marsi”, Kavajë.

Të Fundit