Në vitin 2019, Nazif Feta,i shet pa para në dorë, 400 krerë bagëti, një personi, që vinte nga Tirana, i prezantuar si kasap, Haxhi Isufaj.Meqë shitësi nuk kishte para në dorë, nëpërmjet një deklarate noteriale, që lidhi në Çorovodë me të birin e Nazifit, premtoi se i detyrohej 36 milionë lekë.Po, teksa pritej kthimi i borxhit, personi, që bleu bagëtitë, ndërroi jetë.Familja e Nazif Fetës u drejtua edhe në gjykatën e Beratit, prej nga doli një urdhër ekzekutimi mbi deklaratën e firmosur mes palëve.Sot, banorët nuk kanë bërë asnjë veprim dhe i kanë humbur shpresat.Ilia Elezi, përmbarues gjyqësor shpjegon, se kur debitori ka ndërruar jetë, përmbaruesi gjyqësor i drejtohet të afërmve të tij për ekzekutim vullnetar, për ata, që kanë përfituar nga trashëgimia. Ata janë të detyruar të përmbushin debinë.
Sot është 1 maji, dita ndërkombtare e punëtorëve. Ne sjellim në kujtesë pamje të vjetra, sesi festohej 1 maji në kohën e komunizmit, një datë kjo e lidhur me paradat e përvitshme në sheshin Skënderbej.Por si për krahasim, sjellim edhe pamjet e atmosferën e Tiranës sot. Si festohet 1 maji në Tiranë, në kohën, që bëhet fjalë për një festë zyrtare më shumë.
Në 20 tetor 2022 transmetuam rastin e një punonjëseje të Postës së Divjakës, së cilës i mungonte në llogarinë e saj më shumë se gjysma e pagës prej 3 vitesh. Zonja Rajmonda Rista nga Lushnja punonte si shpërndarëse e Postës së Divjakës nga viti 2014 deri në vitin 2017. Por në llogarinë e saj i është hedhur pagesa 8000, 8500 dhe maksimumi 9000 Lekë të reja si pagë mujore.Ndërkohë në Tatime ishte deklaruar me pagën minimale 22 mijë Lekë të reja. Këtë gjë e ka konstatuar kur ka dalë në pension. Ajo bëri kallëzim te Krimi Ekonomik në Fier dhe më pas kallëzimi iu përcoll Prokurorisë së Lushnjes, ku çështjen e mori prokurori Skënder Mestani. Por ky i fundit prej më shumë se një viti nuk ka bërë asnjë hetim.Duke iu rikthyer kësaj cështjeje mësojmë, se Gjykata e Lushnjes, me gjyqtare Miranda Nakaj, njëlloj si prokurori Mestani, nuk ka parë vepër penale në dosjen në fjalë.
