Një 27-vjeçar është arrestuar nga policia e Mallakastrës pasi shantazhoi dy vajza të mitura me publikimin e video-ve dhe foto-ve të tyre intime.

27-vjeçari kërkoi nga adoleshentet para në kërkim të mos publikimit të materialeve personale.

I riu është arrestuar menjëherë pas kallëzimit të bërë në adresë të tij. Materialet procedurale i kaluan Prokurorisë, për veprime të mëtejshme.

“Shërbimet e Komisariatit të Policisë Mallakastër, si rezultat i reagimit të menjëhershëm pas kallëzimit të marrë nga 2 adoleshente (15 dhe 17 vjeçe) se shantazoheshin nga një shtetas, për t’i dhënë para, që ai të mos iu publikonte foto dhe video me përmbajtje personale, kanë kapur dhe arrestuar në flagrancë shtetasin M. Rr., 27 vjeç, banues në Ballsh, për veprën penale “Shtrëngimi me anë të kanosjes ose dhunës për dhënie pasurie”, thuhet në njoftimin e policisë.