Një stuhi e fortë polare goditi një pjesë të Shteteve të Bashkuara ditën e djeshme, ku për pasojë humbën jetën tre persona.

Erërat e forta dhe stuhia e borës po prek edhe pjesën veriore të vendit dhe furnizimi me energji elektrike është ndërprerë në qindra mijëra familje.

Shirat e dendur që shkaktojnë përmbytje, erëra të forta me (80 km/h) dhe stuhi po godasin Bregun Lindor të Shteteve të Bashkuara, sipas Shërbimit Kombëtar të Motit të SHBA (NËS).

“Mos e nënvlerësoni”, paralajmëroi guvernatori i Nju Xhersit, Phil Murphy në një intervistë për mediat lokale, duke e quajtur këtë stuhi “të pazakontë”. Përkeqësimi i kushteve të motit bëri që avioni i Forcave Ajrore 2, të Zëvendës Presidentes Kamala Harris, të devijonte drejt Aeroportit Ndërkombëtar Dulles në shtetin e Virxhinias, në vend që të ulej në bazën e Forcave Ajrore Andreës në Maryland.

Tornadot goditën zonat juglindore, veçanërisht Florida, ku guvernatori Ron DeSandis shpalli gjendjen e jashtëzakonshme në 49 qarqe.