Kryeministri Edi Rama ndodhet në Ohër aty ku këtë të mërkurë u mbajt samiti i radhës i “Ballkanit të Hapur”.
Ndërkohë, kreu i qeverisë shqiptare ka shpërndarë në rrjetet sociale një foto me dy politikanët me origjinë shqiptare në Ballkanin Perëndimor.
Bëhet fjalë për liderin e BDI-së, Ali Ahmetin dhe Kryeministrin e Malit të Zi, Dritan Abazoviç.
Krahas fotos kryeministri shkruan “Vëllezër të hapur”, në gjuhën angleze.
Në samitin e Ohrit morën pjesë për herë të parë liderët e Malit të Zi dhe Bosnjë Hercegovinës, ndërkohë që mungonte kryeministri i Kosovës Albin Kurti.
