Autoritetet amerikane akuzuan një burrë 71-vjeçar për vrasje dhe krime të urrejtjes të dielën pasi ai dyshohet se goditi me thikë një grua muslimane dhe djalin e saj gjashtëvjeçar në Çikago në një sulm që policia beson se është i lidhur me luftën midis Izraelit dhe Hamasit.

Fëmija, i cili u godit me thikë 26 herë, vdiq në spital, por nëna e tij, 32 vjeç është jashtë rrezikut për jetën, sipas një deklarate nga Zyra e Sherifit. Sipas informacioneve, fëmija ishte palestinezo-amerikan.

Gjatë autopsisë, fëmijës i është hequr një thikë e stilit ushtarak me një teh 15 cm nga barku.

Shefi i zyrës së CAIR në Çikago, Ahmed Rehab, u tha gazetarëve se sulmuesi trokiti në derën e viktimave dhe fillimisht u përpoq të vriste gruan, duke i thënë asaj “ju myslimanë duhet të vdisni”.