Avokatja e infermieres së Sanatoriumit përplaset me prokurorin: Ku janë hetimet për doktorët? – Stop
Lajme, Të Gjitha

Avokatja e infermieres së Sanatoriumit përplaset me prokurorin: Ku janë hetimet për doktorët?

Ditën e sotme po zhvillohet seanca gjyqësore për 3 infermieret dhe sanitaren që u arrestuan dje në spitalin ‘Shefqet Ndroqi’ pas skandalit të Tires.

Avokatja e infermieres Sidorela Çela, Antoneta Sevdari deklaroi se infermierja është e pafajshme dhe se nuk ka kryer asnjë veprim të paligjshëm.

Prokurori ka deklaruar se Sidorela merrte lekë për telefonat që përdornin pacientët, kur telefonat ishin të ndaluara.

Debati:

Sevdari: Po ka korrupsion çështja të kaloj në SPAK. Sepse nëse ka lekë për shërbime falas e korrupsion të shkon dosja në SPAK. Sidorela Çela e ndaluar në mënyrë të paligjshme. Ku janë hetimet për doktorët. Pastruesja e paska fajin? Sidorela s’ka kryer asnjë veprim të paligjshëm. Urdhri i ndalimit s’ka asnjë provë.

Prokurori Valikaj: Policia gjyqësore kontaktoi me SPAKU-n dhe SPAK e kaloi tek Tirana. SPAK e njeh këtë dosje. Po të dojë, mund ta marrë direkt se pengojmë ne. Sidorela merrte lekë për telefonat, që përdornin pacientët, ku telefonat ishin të ndaluara.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *