Deputeti i Partisë Socialiste, Pandeli Majko, ka dërguar një shkresë zyrtare në Shërbimin Informativ të Shtetit (SHISH), ku kërkon informacion mbi akuzat që kreu i PD-së, Sali Berisha, ka ngritur ndaj tij.
Në shkresën drejtuar SHISH, Majko kërkon sqarim nëse ai ka qenë subjekt i ndonjë përgjimi të mundshëm nga ky organ, veçanërisht në lidhje me akuzat për biseda për blerje votash.
Majko shprehet se, si deputet i Kuvendit të Shqipërisë, ka të drejtë të kërkojë shpjegime mbi çdo çështje që mund të ndikojë në detyrën e tij dhe në imazhin e tij publikik. Ai kërkon një përgjigje të qartë dhe të dokumentuar nga SHISH për të hedhur dritë mbi këtë çështje që ka ngritur dyshime mbi veprimet e tij.
Në konferencën për shtyp më datë 6 janar, Berisha akuzoi deputetin socialiste Pandeli Majko si kriminel elektoral. Ai aludoi edhe për një përgjim të SHISH ndaj Majkos në Kukës ku flitej për pazare elektorale. Këto deklarata erdhën pasi Majko kaloi nga drejtues politik qarku i PS-së në Kukës, në një nga zonat e Tiranës.
Berisha: “Majko është një kriminel elektoral”
“Pandeli Majko, është kriminel i madh elektoral në Kukës. Është i regjistruar në tavolinë, regjistrues i vendosur me vendim gjykate, jo për Pandeli Majkon për trafikantë armësh e droge. Aty shkon dhe bie Pandeli, dosja është tek ata dhe tek unë. Shkon Pandeliu me Çelën, dhe drejtorin e OSSH të Kukësit. I thotë ‘ti në Has do të kërkosh kaq shtylla centrifugale, ato kushtonin nja 40-60 mijë euro, por do të faturohen 800 mijë euro, nga të cilat 300 mijë do ti dërgohen Tropojës për vota, 200 në Durrës, të tjerat në Kukës. Oficeri që ishte në detyrë për të hedhur në qark trafikantët habitet”.
“Përveç kësaj në bisedë, përfaqësuesit e Has kërkojnë armë sepse thonë Miftar Dautin nuk e mundim dot. Kërkuan armë, ky oficer e merr regjistrimin, përgatit dosjen dhe e dorëzon në SPAK, dokument zyrtar. Vlora që vodhi arkivën sekrete të shërbimi të Kosovës, që e çoi aty ku e çoi, dyshime në Beograd, refuzoi ta presë oficerin. Oficeri mbetet jashtë shërbimi, kishte kryer në mënyrë të shkëlqyer detyrën dhe sot nuk e di se ku është”.
Majko shkoi sërish në vendin e krimit, por duket se e kanë parë që atje nuk e pëlqejnë dhe e solli në Tiranë. po sjell në Tiranë gjysmën e ministrave sepse qytetarët e Tiranës kanë revoltë”, deklaroi të hënën Sali Berisha.
