Në redaksinë tonë ka mbërritur një denoncim për Ujësjellësin e Gjirokastrës. Sipas denoncimit Drejtori Rajonal, Genti Llogo, ka punësuar kushërinjtë në sektorë kycë. Bëhet fjalë për dy përgjegjës dhe një sekretare.Anxhela, sekretarja thuhet, se është kushërira e dytë. Mariola, shefja e burimeve njerëzore është vajza e hallës.Klaudio, djali i tezes.Ne shkuam atje për të verifikuar situatën. Vetë drejtori Genti Llogo, tha, se ishte në terren dhe e mohoi të kishte punësuar kushërinjtë, por në fund të bisedës pranoi, se punonjësit janë të afërm të tij.Drejtori tjetër, Iljaz Memushi, i UKGJ ka 6 muaj në këtë detyrë, por thuhet, që ai nuki ka shkollë të lartë dhe në orarin zyrtar, punon dhe si taksist në të zezë.Me anë të kameras së fshehtë marrim Memushin për shërbim taksi dhe ai na con në Kakavijë.Gjatë rrugës ai flet, sesi funksionin ujësjellësi dhe pret edhe telefonatat e punës në ujësjellës për cështje faturash.

Ditën e djeshme qeveria shpalli park Kombtar Lumin e Vjosës. Mes personazheve të rëndësishëm, që mbrojtën këtë cështje, ishte dhe aktori i famshëm Leonardo di Caprio, i cili shkroi, se Vjosa do të rrjedhë e lirë përgjithmonë.

Jemi në Sarandë me zonjën Feruze Hyseni, e cila na tregon problemin e djalit të saj, Arjan Hyseni. Pasi kishte punuar në Zvicër me një shtetas shqiptar, Shkëlqim Shameti, ky i fundit, në vend të pagesës i kishte dhënë një makinë, duke bërë edhe certifikatën e shitjes. Kjo ndodhi në 20 shtator 2022. Në 10 tetor djali niset drejt Shqipërisë në në pikën kufitare të Qafë Botës, Arjani u ndalua dhe i thanë, se makina është në alert, pasi është denoncuar e vjedhur në 10 shtator 2022. Prej 5 muajsh Arjan Hyseni ndodhet në burg. Prokurori Ilir Hoxha dhe gjyqtarja Suela Xhani, duket, se nuk kanë marrë në konsideratë disa detaje, që mund të kishin ndryshuar rrjedhën e ngjarjes.Motra e Arjan Hyseni ka komunikuar me Shkëlqim Shametin, por ky i fundit është shmangur, duke lënë dyshime, se gjithcka është bërë me qëllim.