E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

S’ka më “punë me mik”, Rama: Hyrja në administratë do të bëhet përmes një provimi kombëtar

Kryeministri Edi Rama ka prezantuar reformën e re të quajtur “Shkalla e Meritës”, e cila synon të ndryshojë mënyrën e punësimit dhe promovimit në administratën publike, duke vendosur në qendër aftësitë dhe meritën profesionale.

Gjatë prezantimit, Rama theksoi se një nga ndryshimet kryesore do të jetë vendosja e një provimi unik kombëtar për të gjithë ata që synojnë të bëhen pjesë e administratës publike. Testimi do të zhvillohet në kushte të barabarta, me provime të sekretuara dhe përmes teknologjisë. Kandidatët që e kalojnë me sukses do të pajisen me një certifikatë me vlefshmëri katërvjeçare.

Rama: Një pagë më e mirë dhe kushte më të mira pune nuk e zgjidhin problemin kryesor: meritën. Është bërë edhe trend në diskutimet publike: Nuk ka meritë, nuk vlerësohet njeriu sipas meritës. Ky dëgjim është i rëndësishëm, edhe pse jo e gjitha është e zezë. Jemi të vetëdijshëm që mund t’i paguash më mirë njerëzit dhe nuk mund të dallosh kush punon më mirë e kush jo.

Mund të investosh në trajnime dhe të mos i hapësh rrugë atij që është i aftë të marrë aftësi më të mëdha. Këtë aftësi duhet ta lexojë sistemi.

Ne mund të ndryshojmë sa të duam procedura. Nëse në fund njeriu që punon më mirë nuk ka më shumë mundësi të ecë përpara, nuk kemi ndryshuar atë që është tani sfida. Këtu merr rëndësinë e vet themelore.

Hyrja në administratë do të jetë me provim kombëtar, para një standardi të përbashkët. Ky testim do të bëhet me provime të sekretuara, standard të barabartë dhe gjithçka përmes teknologjisë në hapin e parë. Ata që e kalojnë me sukses pajisen me një certifikatë për 4 vite, që krijon një bazë më të drejtë dhe më të besueshme.

Një i ri nuk duhet ta shohë hyrjen në administratë si një derë që duhet të gjejë dikë që t’ia hapë.

Ne do të vendosim në dispozicion të të gjithëve këtë derë, derën e provimit unik kombëtar.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑