Në mars të vitit 2019 emisioni “Stop” transmetoi rastin e “Gurores Kurti”, e cila gërryente shtratin e lumit Erzen, duke shkaktuar një masakër në mjedis.Sot, pas dy muajsh, asgjë nuk ka ndryshuar dhe gurorja vijon punën e qetë.Grupi i xhirimit të “Stop”, gjeti në punë eksavatoristin dhe kamionistin e gurores së Lufti Kurtit.Por ky i fundit, urdhëron punëtorët, që të vazhdojnë punën. Gazetarja i drejtohet Komisariatit nr. 6 dhe inspektori i zonës, Isa Ahmeti, thotë,se po interesohet në Inspektoriatin e Mjedisit, nëse subjekti ka leje, apo jo.Më pas gazetarja shkon në Agjensinë Kombëtare të Mjedisit dhe Inspektoriatin Shtetëror të Mjedisit, të cilët pas verifikimeve, shkojnë në terren dhe gjobisin subjektin në fjalë me 20 milionë lekë të vjetra.