E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Vrau nënën dhe plagosi babanë, Dalladaku kishte tentuar të vriste me çifte edhe një bashkëfshatar

Një ngjarje e rëndë ka tronditur fshatin Zhym, në Njësinë Administrative Krutje të Lushnjës, ku një 45-vjeçar dyshohet se ka sulmuar me sëpatë prindërit e tij. Si pasojë, nëna e tij 80-vjeçare ka humbur jetën, ndërsa babai është plagosur rëndë.

Sipas të dhënave paraprake, Florion Dalladaku dyshohet se ka goditur nënën e tij, Florije Dalladaku, 80 vjeçe, dhe babanë, Hasanin. E moshuara nuk ka mundur t’u mbijetojë plagëve të marra dhe ka ndërruar jetë.

Babai i 45-vjeçarit është transportuar fillimisht në spitalin e Lushnjës, në gjendje kritike për jetën. Për shkak të rëndimit të gjendjes, ai është dërguar më pas në Spitalin e Traumës në Tiranë, ku po merr trajtim të specializuar.

U largua me makinën e vëllait

Pas ngjarjes, autori i dyshuar është larguar nga banesa duke marrë automjetin e vëllait të tij. Ai është lokalizuar dhe ndaluar më pas nga një patrullë e Policisë në Fier.

Ndërkohë, grupi hetimor po punon për dokumentimin e plotë të rrethanave të ngjarjes, ndërsa po merren në pyetje familjarë dhe persona të tjerë që mund të kenë dijeni për konfliktet apo situatën brenda familjes.

I afërmi: Kishte probleme të shëndetit mendor

Sipas dëshmive të të afërmve, 45-vjeçari ishte trajtuar prej vitesh për probleme të shëndetit mendor dhe, gjatë gjashtë viteve të fundit, kishte qenë dy herë i shtruar në Spitalin Psikiatrik të Elbasanit.

Të afërmit kanë deklaruar gjithashtu se vite më parë ai kishte tentuar të vriste me armë gjahu një bashkëfshatar dhe për këtë ngjarje ishte dënuar nga drejtësia.

Hetimet vijojnë për të përcaktuar dinamikën e saktë të ngjarjes, motivin e sulmit dhe rrethanat që paraprinë krimin brenda familjes. Autoritetet pritet të japin më shumë informacion në vijim.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑