Vrasja gabimisht e banakieres në Tiranë, shpërthen i biri: Mallkuar qofshin!

Ka reaguar djali i Mimoza Pajës, 60-vjeçarja që mbeti e vrarë mbrëmjen e djeshme si pasojë e të shtënave me armë zjarri në lokalin në Don Bosko që ishte në pronësi të Fatjon Muratit.

Paja mësohet se punonte kamariere dhe banakiere në lokal.

“Mallkuar qofshin ato plumbat qe i zbrazen ne trupin tend qofsh e xhenetit mam”- shkruan ai.

Kryeqyteti u trondit mbrëmjen e djeshme nga një atentat me armë zjarri në lokalin në Don Bosko, ku si pasojë e të shtënave humbin jetën Paja dhe u plagosën 6 të tjerë, mes tyre dhe një 10-vjeçare e cila mbeti e lënduar nga xhamat e thyer.

Konkretisht të plagosur mbetën Sahit Murati 50 vjeç, Astrit Mera 42 vjeç, Emanuel Sala 47 vjeç, Ermir Bejuku 45 vjeç dhe Genc Shohalli, 55 vjeç.

Sahit Murati dyshohet se është xhaxhai i Fation Muratit, pronari i lokalit ku ndodhi ngjarja.

Fation Murati me precedent penalë, ndodhej në masën arrest shtëpie, por që dyshohet se ishte larguar pak ditë më parë nga Shqipëria.

Të Fundit