Vrasja e Indrit Ndojit, dëshmia e dy vëllezërve: Jemi penduar shumë, situata na doli nga kontrolli

Zbardhet një pjesë nga dëshmia e vëllezërve Miri që vranë 34-vjeçarin Indrit Ndoj, ngjarje e ndodhur mbrëmjen e së enjtes në Fushë Krujë.

Tashmë të arrestuar nga policia, vëllezërit Sajmir Miri dhe Landi Miri po mbahen në Komisariatin e Policisë në Krujë ku edhe po merren në pyetje nga hetuesit.

Para hetuesve, vëllezërit mësohet të kenë deklaruar se nuk kanë pasur për qëllim ta vrisnin fqinjin e tyre por situata u kishte dalë nga kontrolli, pasi Ndoj i kishte sulmuar fizikisht.

“Nuk kishim për qëllim ta vrisnim. Po situata na doli nga kontrolli pasi na sulmoi  dhe na ofendoi rëndë.

Ai (Ndoj) ishte në gjëndje të rëndë, pasi kishte konsumuar lëndë narkotike. U takuam te vendi për të sqaruar një muhabet të vjetër.

Nuk është se kishim ndonjë konflikt të hapur me të, gjithçka ndodhi aty për aty pasi na sulmoi. Nuk ishte i vetëdijshëm. Ai tentoi të na qëllonte dhe për t’u mbrojtur e qëlluam. Më pas u larguam. E lamë të gjallë.

Dhe s’menduam se kishim bërë ndonjë plagosje të rëndë. Por për fat të keq kaçavida kishte prekur damarin kryesor (arterjen femorale) . Vetëm kur dëgjuam në mëngjes që kishte vdekur. Aty na kapi paniku.

Nuk dimim çfarë të bënim. Jemi penduar shumë, pasi nuk ishte nevoja që situata të arrinte në këtë pikë pa kthim pas. Jemi shumë të penduar”, mësohet të kenë deklaruar ndër të tjera vëllezërit Miri para hetuesve të policisë.

 

Të Fundit