E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Veliaj: Do të jem 10 ditë në izolim

Kryetari i Bashkisë së Tiranës, Erion Veliaj, përmes një letre ka bërë të ditur se po mbahet në kushte të rënda izolimi në burgun e Fierit, ku u transferua të mërkurën nga paraburgimi i Durrësit, pas rreth 20 muajsh në izolim. Arsyeja zyrtare e transferimit nuk është bërë ende e ditur.

Përmes një letre nga burgu i Fierit, Veliaj ka renditur disa kufizime që, sipas tij, po përjeton gjatë qëndrimit në izolim. Ai shkruan se është izoluar për 10 ditë, pa ujë, pa dritare dhe pa kujdes mjekësor. Gjithashtu, thotë se i është pamundësuar kontakti telefonik me familjarët dhe avokatin, ndërsa qelia ndodhet në të njëjtin korridor me tre persona të dënuar me burgim të përjetshëm për vrasje.

Edhe avokati i tij, Plarent Ndreca, ka ngritur shqetësime për kushtet e qelisë, duke deklaruar se ajo nuk plotëson standardet minimale për një person të paraburgosur.

Sipas Ndrecës, qelia nuk ka dritare, ndriçim natyral apo ajrim të mjaftueshëm.

Avokati bëri të ditur se do të presë një përgjigje nga institucionet përgjegjëse, ndërsa, në mungesë të saj ose nëse vendimi vlerësohet i paarsyetuar dhe i padrejtë, mbrojtja mund t’i drejtohet gjykatës.

Shqetësimi kryesor i Veliajt, sipas avokatit, lidhet me pamundësinë për të komunikuar me familjen dhe fëmijët. Ndreca tha se kryebashkiaku nuk kishte mundur të kontaktonte asnjë anëtar të familjes, përfshirë edhe avokatin e tij.

I pyetur nëse Veliaj do të vijojë të ushtrojë funksionet e kryetarit të Bashkisë së Tiranës, Ndreca deklaroi se ai ka detyrim kushtetues t’i ushtrojë ato deri në përfundim të mandatit.

Deri më tani, nuk është bërë e ditur një përgjigje zyrtare nga Drejtoria e Përgjithshme e Burgjeve lidhur me arsyet e transferimit dhe pretendimet për kushtet e izolimit.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑