Një nga vrasësit serialë më të këqinj të fëmijëve në botë, Luis Alfredo Garavito nga Kolumbia, i njohur gjithashtu si “Përbindëshi i Genovas”, vdiq të enjten gjatë vuajtjes së dënimit, në moshën 66-vjeçare, njoftuan autoritetet e burgut. Garavito ka rrëfyer se kishte vrarë më shumë se 190 fëmijë.

I burgosur që nga viti 1999 pasi u arrestua për tentativë për rrëmbim fëmijësh, ai vdiq në moshën 66-vjeçare në një klinikë në veri të vendit për shkak të “patologjive të shumta”. Në maj, mediat kolumbiane raportuan se ai vuante nga kanceri dhe leucemia. Luis Alfredo Garavito u dënua me 1853 vjet burg.

Por në përputhje me ligjin kolumbian u konfirmua se dënimi që duhej të vuante ishte 40 vjet, koha maksimale e lejuar nga drejtësia në atë kohë. Ai pati rrëfyer se kishte vrarë fëmijë nga mosha 8 deri në 16 vjeç, kryesisht nga familje me të ardhura të ulëta, të cilët i rrëmbente duke u paraqitur si murg, person i pastrehë ose shitës ambulantë.