E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Transporti urban në Tiranë nis reduktimin e flotës, qytetarët përballen me pritje më të gjata

Transporti publik në Tiranë ka nisur nga sot funksionimin me një numër më të reduktuar mjetesh. Operatorët urbanë kanë nxjerrë në qarkullim rreth 20–30% më pak autobusë, një masë që pritet të ndikojë drejtpërdrejt te koha e pritjes së qytetarëve dhe frekuenca e linjave.

Vendimi hyn në fuqi më 1 shtator dhe, sipas operatorëve, lidhet me vështirësitë e theksuara financiare që po përballen kompanitë e transportit. Për pasagjerët, reduktimi i flotës nënkupton intervale më të gjata mes autobusëve dhe, në disa linja, mundësi për mbingarkesë më të madhe.

Masa ishte paralajmëruar më herët përmes një letre drejtuar Kryeministrisë, Bashkisë së Tiranës dhe institucioneve përgjegjëse. Shoqata Kombëtare e Transportit Qytetas dhe Shoqata e Transportit Urban dhe Interurban kanë kërkuar ndërhyrje urgjente, duke argumentuar se mungesa e mbështetjes financiare nuk u lejon operatorëve të vijojnë aktivitetin me kapacitet të plotë.

Sipas tyre, situata është rënduar nga kostot e operimit, ndërsa ndër kërkesat kryesore drejtuar institucioneve janë realizimi i kompensimeve dhe vijimi i mbështetjes për kostot e karburantit.

Operatorët theksojnë se reduktimi i mjeteve nuk është një zgjedhje e dëshiruar prej tyre, por pasojë e drejtpërdrejtë e problematikave financiare. Ata thonë se do të përpiqen të garantojnë vijimin e shërbimit, por paralajmërojnë se operimi me të gjithë flotën nuk është më i përballueshëm në kushtet aktuale.

Tashmë vëmendja është te institucionet, të cilat pritet të vendosin nëse do të ndërhyjnë për të adresuar kërkesat e operatorëve dhe për të shmangur një përkeqësim të mëtejshëm të shërbimit urban në kryeqytet.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑