E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Bota

Tragjedi si në filma në Itali, rrëmbeu të dashurën e futi në bagazh! Pasi erdhi policia u hodh nga ura bashkë me të

“Më ndihmo, të lutem!” Këto ishin fjalët e fundit që Lorena Isceri i tha një miku, ndërsa ndodhej e mbyllur në bagazhin e makinës së ish-partnerit të saj, Federico Vella, 11 vite më të ri.

Pak çaste më parë, 47-vjeçarja kishte telefonuar edhe numrin e emergjencës 112. Më pas telefoni u fik. Edhe kur policia tentoi ta telefononte sërish, nuk mori më përgjigje.

Nga salla operative e Firences nisi menjëherë kërkimi. Sinjali GPS i celularit tregonte se telefoni po lëvizte në autostradën A1. Patrullat e Policisë Rrugore u vunë në ndjekje dhe arritën ta lokalizonin makinën pranë një mbikalimi në Barberino di Mugello.

Kur efektivët mbërritën, Lorena dhe ish-partneri i saj, Federico Vella, ndodheshin jashtë automjetit. Kur ai i pa policët kapi Lorenën dhe sa hap e mbyll sytë e shtyu nga ura. Më pas u hodh edhe vetë pas saj. Mjekët e urgjencës nuk mundën të bënin asgjë për t’i shpëtuar.

Sipas informacioneve të para, gjithçka kishte nisur disa orë më herët. Vella dyshohet se e kishte pritur Lorenën kur ajo u kthye në shtëpi. Në garazhin e pallatit e kishte e kishte goditur, më pas e kishte lidhur dhe e kishte futur në bagazhin e makinës.

Hetuesit besojnë se 36-vjeçari kishte harruar në bagazh çantën e shpinës dhe telefonin celular. Pikërisht me atë telefon Lorena arriti të telefononte fillimisht policinë dhe më pas një mik, duke kërkuar ndihmë.

Lorena Isceri punonte në sektorin e marketingut për një kompani veterinare, ndërsa Federico Vella ishte i punësuar në një kompani të makinave me qira. Sipas hetimeve të deritanishme, mes tyre kishte pasur debate dhe tensione edhe pas përfundimit të lidhjes.

Në vëmendje të hetuesve kanë përfunduar edhe postimet e fundit të 36-vjeçarit në Instagram. Më 12 gusht ai kishte publikuar fotografi të tyre së bashku, të shoqëruara me mesazhin: “Ka lidhje aq të përsosura, sa edhe kur ndahen, gjurma e tjetrit mbetet përgjithmonë. Ty, gruas që kam dashur me gjithë shpirt dhe që e humba nga budallallëku im. Do të jem i yti edhe pse nuk mund të jem më.”

Pak orë para ngjarjes ai kishte publikuar edhe një mesazh në “Story”: “Lamtumirë të gjithëve. Të dua aq sa të mos të flas kur mund të të lëndoj.”

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑