E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Tiranë, zbardhet vjedhja e 2.5 mln lekëve në Sharrë, 3 në pranga

Tre persona janë arrestuar dhe një tjetër është shpallur në kërkim në Tiranë, në kuadër të operacionit të koduar “Last Scheme”, pas zbardhjes së një vjedhjeje në një banesë në zonën e Sharrës.

Sipas Policisë, ngjarja ka ndodhur më 14 gusht 2026, kur nga banesa e shtetasit D. S. janë vjedhur 2.5 milionë lekë dhe bizhuteri me vlerë rreth 500 mijë lekë.

Në pranga janë vënë shtetasit Leonard Sinani 26 vjeç, Kleand Tomja 23 vjeç dhe Mark Hila 37 vjeç, ndërsa A. B. është shpallur në kërkim. Sipas hetimeve, katër personat dyshohet se kanë vepruar të organizuar si grup.

Gjatë kontrolleve në një servis për mjete në Astir, në bashkëpronësi të dy prej të dyshuarve, policia gjeti një armë zjarri, tre krehra me 82 fishekë luftarakë, dy automjete, një motomjet dhe dy palë targa automjetesh.

Në vijim të kontrolleve, në banesën e një prej të arrestuarve u sekuestruan gjithashtu një automjet dhe 55 mijë lekë, të dyshuara me burime kriminale.

Policia vijon punën për kapjen e personit të shpallur në kërkim dhe dokumentimin e plotë të aktivitetit kriminal të grupit.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑