E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Të huajt duhet të paguajnë shërbimin shëndetësor, nis aplikimi në qendrat verore

Shërbimet mjekësore që do të jepen për pushuesit e huaj në qendrat shëndetësore do të jenë me pagesë. Tarifat ka nisur të aplikohet në Qendrat Shëndetësore Verore, pas vendimit të Ministrisë së Shëndetësisë.

Shërbimet mjekësore që do të jepen për pushuesit e huaj në qendrat shëndetësore do të jenë me pagesë. Pas vendimit të Ministrisë së Shëndetësisë, tarifa ka nisur të aplikohet në Qendrën Shëndetësore Verore në “Plazhin e Vjetër”, dhe pagesat janë të afishuara në dhomat e shërbimit.

“Tashmë shërbimi për turistët e huaj është me pagesë. Çmimet janë të ilustruara që në hyrje të qendrës shëndetësore dhe bëhen me dije që kur futen. Kanë qenë pozitivë dhe kanë qenë të gatshëm të bëjnë pagesën për shërbimin”, tha mjekja Leonarda Kollombo.

Mjekja bën gjithashtu një rezyme të rasteve të cilat marrin mjekim, ku thotë se mbizotërojnë gastroenteritet, pickimet dhe alergjitë. Sipas mjekes, problemet e shëndetit vijnë kryesisht nga temperaturat e larta, dehidratimi apo edhe qëndrimi për një kohë të gjatë në det.

“Përgjithësisht, krahasuar me muajin qershor, fluksi i turistëve është rritur. Kemi pasur kryesisht shqiptarë, krahasuar me turistët e huaj. Kryesisht rastet kanë qenë gastroenterit, që janë shoqëruar me diarre ose jo, dhe reaksionet nga pickimet e insekteve dhe kandilat e detit. Simptomat që kanë pasur janë diarre, të vjella, dhimbje të forta muskulare, reaksione alergjike nga të kruajturat dhe mbajtja e frymës”, shtoi ajo.

Qendrat Shëndetësore Verore janë hapur prej datës 1 qershor në shërbim të pushuesve vendas dhe të huaj, si dhe banorëve të zonës gjatë sezonit veror. Ato ofrojnë ndihmë mjekësore të nevojshme 24 orë çdo ditë të javës.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑