Stop-Emisioni i plotë(9 Shtator 2021) – Stop
Të Gjitha

Stop-Emisioni i plotë(9 Shtator 2021)

Një qytetar nga Korca ka dërguar në redaksinë e emisionit “Stop”, një video, që tregon “pushtimin” e qytetit nga lukuni me qen rruge.Në Shkodër qytetarët provojnë të lidhen me shërbimin e spitalit e policisë, por duket, se këto institucione flenë edhe ditën.Rruga Kallmet-Lezhë është prishur në anët e saj, duke u kthyer në burim aksidentesh vdekjeprurëse.

Stop ka udhëtuar drejt Memaliajt, në fshatin Luftinje për të investiguar një rast të pretenduar pedofilie të qershorit 2018. Mësuesi Mysret Dida akuzohet të ketë ngacmuar seksualisht nxenësen e tij që në moshën 8 vjeçare . Vajza me incialet A.M aktualisht 14 vjeç dhe me probleme autizmi ka vështirësi në komunikim.Gjithçka nisi nga një telefonatë anonime e një burri në shtëpinë e vajzës.Telefonuesi deklaroi, se mësuesi po abuzon me fëmijet e klases kolektive, ku jepte mësim dhe me vajzen e shtëpise.Prindërit e vajzës shkojnë në policine e Tepelenës dhe bëjnë kallzim për mësuesin. Pas kontrollit mjeko-ligjor,gjinekologjik, vajza nuk ishte e defloruar. Stop arriti që të marrë dhe dëshminë e mësuesit Mysret Dida, i cili hedh poshtë çdo akuzë duke kërkuar të dënohet edhe me varje, nëse i ka prekur vajzës një fije floku.Pasi qendroi 72 orë nën masë arresti me burg, gjykata e nxjerr me detyrim paraqitje për mungesë provash.

Psikologu Olsi Spaha i cili ka asistuar në kallzimin e vajzës së mitur, deklaron, që kallzimi në fjalë, nuk është dhëne nga vajza, pasi ajo nuk artikulon mirë për shkak të problemeve me autizmin. E mitura përgjigjej vetëm me po dhe me jo dhe çdo gje qe u shkrua dhe u formulua nga nëna e saj, Arta . Stop shkon më tej ku nëpermjet nje Akti Klinik nga nje psikologe, Esmeralda Gjoza, del ne pah, se vërtet vajza nuk është e aftë të lidhë mendim dhe të tregojë as çfarë i ka ndodhur para një ore. Prokurori i Gjirokastres Julian Cafka, e ka lënë këtë çështje delikate plot mangësi, duke lënë dyshimin, nëse mësuesi ka ngacmuar vajzën e mitur, apo e gjithë ngjarja është e inskenuar nga familjarët e vajzës, për arsye ende të paditura.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *