E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Emisioni i plotë

STOP-EMISIONI 141(Sezoni 11) 19 Mars 2026-“Jam e ngarkume, s’du muhabet”, pagoi sigurimet, ekonomistja “avulloi” parate”

Një rast i dyshuar mashtrimi financiar është denoncuar në redakisnë tonë nga Redona Hoxha, pronare e një biznesi të vogël në Durrës. Ajo tregon, se kishte punësuar ekonomisten Anila Allamani, për të kryer pagesat e sigurimeve shoqërore. Ekonomistja fillimisht ishte treguar korrekte, por më pas nuk ka derdhur asnjë pagesë, pavarësisht, se kishte marrë paratë.Sipas denoncueses, bëhet fjalë për rreth 6 milionë lekë sigurime të papaguara, ndërkohë që ekonomistja i kishte premtuar, se do t’ia kthente shumën në tetor të vitit 2025. Edhe pse afati ka kaluar dhe tashmë jemi në mars, paratë nuk janë kthyer dhe detyrimet vazhdojnë të rezultojnë të papaguara.Pas verifikimeve pranë institucioneve përkatëse, qytetarja është informuar, se ka ende detyrime të konsiderueshme, duke përfshirë sigurime dhe tatime të papaguara. Nga ana tjetër, ekonomistja ka dhënë justifikime të ndryshme dhe ka pretenduar, se do t’i sqarojë situatat, ndërsa në një moment ka deklaruar, se çështja ndodhet në prokurori.

Klevis Disha, 39 vjeç, emigrant nga Kosova, i ka shpëtuar deportimit nga Britania e Madhe me një argument krejt të pazakontë. Klevisi kishte hyrë ilegalisht në Britani me identitet të rremë dhe kishte bërë edhe dy vjet burg. Sipas medive, një deklaratë e të atit, që tha, se Klevisit nuk i pëlqejnë kotoletat e pulës të huaja, ka ndikuar në pezullimin e procesit të deportimit.Për kritikët, ky rast, është një abuzim me Konventën Europiane për të Drejtat e Njeriut.

Flutura Muça, administratore e një furre buke në Paskuqan, iu drejtua emisionit “Stop” për të denoncuar faturimin e padrejtë të energjisë elektrike. Ajo shprehet, se prej gjashtë vitesh ushtron aktivitet vetëm në prodhimin e bukës, por që nga muaji qershor, i janë faturuar tarifa pothuajse dyfish më të larta. Sipas saj, furrat e bukës duhet të tarifohen rreth 7.6 lekë për kilovat, ndërsa faturat e saj kanë arritur mbi 2 milionë lekë.Muça tregon, se ka bërë ankesë që në shtator dhe ka refuzuar të paguajë faturat e rritura, duke këmbëngulur, se nuk ka asnjë aktivitet tjetër përveç furrës. Pas verifikimeve, drejtori për mediat në OSHEE, Ardian Kola, konfirmoi, se bëhet fjalë vetëm për një furrë buke dhe se tarifimi duhet të jetë sipas kategorisë përkatëse. Ai garantoi, se rasti do të korrigjohet dhe se faturimi do të rregullohet brenda muajit prill.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑