E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Emisioni i plotë

STOP-EMISIONI 124(Sezoni 6)25 Shkurt 2021-Fushë Krujë-Laç/ I biri humbi jetën në aksident, thirrja e dëshpëruar e babait.

Një baba, Dritan Gjegjaj, denoncon humbjen e të birit vetëm 23 vjec, më 31 janar 2021, në një aksident rrugor, teksa ishte duke udhëtuar me mjetin e vet në autostradën Fushë Krujë-Laç. Mjeti, ndikuar nga pellgjet me ujë në rrugë, si pasojë e reshjeve të shiut, u zhvendos dhe ai u ngul në trafikndarëse. Pikërisht, ky është edhe problemi.Përgjatë gjithë autostradës, ka shumë ndërprerje të trafikndarëseve dhe ato janë bërë shkak për shumë aksidente, pasi nuk janë të pajisura, as me sinjalistikë e as nuk janë me linjë të pjerrët, të futur në tokë.Dritani thotë, se kërkon, që fatkeqësia e tij të mos i ndodhë askujt tjetër.OPGJ-ja, që ka ndjekur rastin,thotë, se janë kryer veprimet hetimore, por shkakun e aksidentit e vendosin ekspertët. Materialet janë dorëzuar për ndjekje të mëtejshme në Prokurorinë e Rrethit Gjyqësor Kurbin. Për mungesën e sinjalistikës dhe problematikën e rrugës, janë vënë në dijeni pronarët e rrugës dhe ARrSh. Eksperti rrugor Gëzim Hoxha shpjegon cfarë ka ndodhur dhe thotë, se duhet patur vëmendje te gropat, që mbajnë ujë, që kur dëmtohen, nuk riparohen. Sipas tij, rrugët duhet të kenë edhe sinjalistikë orientuese.

Mbrëmë në mesnatë ka përfunduar afati i regjistrimit të koalicioneve për zgjedhjet e 25 prillit. PD-ja u regjistrua në një koalicion me 13 parti parti të tjera, por në njoftimin për shtyp fjala “aleancë” është shkruar “Alenaca”.Kreu demokrat Lulzim Basha i është drejtuar rivalit politik, kryeministrit Edi Rama me vargjet e një kënge të Dua Lipës, ku flitet për një histori dashurie të marrë fund: bëmë aq sa mundëm, ka ardhur koha të të përshëndes nga dritarja.Presidenti Meta ka paralajmëruar hapjen e një portali presidencial, për ankesat dhe presionet, që mund të bëhen për zgjedhjet e 25 prillit.

Pak ditë më parë tansmetuam rastin e një zonje, e cila denoncoi në ‘Stop” mashtrimin nga ana e një vajze të quajtur Ilda Kërkapi. Në muajin dhjetor Ilda, i ofroi zonjës një vend pune si recepsioniste pranë prokurorisë së Tiranës. Ilda u prezantua si Ilda Kraja dhe i tha se, me anë të njohjeve të saj, do t’i siguronte vendin e punës, duke kërkuar 500 euro për këtë nder.Denoncuesja u takua me Ildën dhe i dha paratë, Të dyja gratë konsumuan dhe një kafe dhe Ilda i tregoi marifetet, për punën e re, që do të niste në janar 2021.Por zonja nuk u punësua kurrë dhe nuk i mori paratë mbrapsht.Pas transmetimit, në “Stop” kanë mbërritur edhe shumë denoncime të tjera, që dëshmojnë për mashtrim nga ana e Ilda Kërkapit.Prokurori Ervin Karanxha tha për “Stop”, se shtetasja Ilda Kërkapi u shoqërua në Drejtorinë Vendore të Policisë, menjëherë pas publikimit të rastit . Sipas tij bëhet fjalë për një rast të pastër mashtrimi, të përsëritur. Për shkak të fëmijës së mitur, Ilda Kërkapi po procedohet në gjendje të lirë, ndërsa materialet do të cohen për gjykim. Ajo rrezikon nga 2 deri në 6 vjet heqje lirie.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑