STOP – EMISIONI 120 – Stop
STOP

STOP – EMISIONI 120

Zgjidhje dhe ndihma për rastin e Skënder Idrizajt dhe Julianit.
Pak ditë më parë “Stop” transmetoi rastin e dhimbshëm të Skënder Idrizajt, i cili rriste i vetëm dhe pa mundësi financiare, 3 fëmijët e tij pas braktisjes së të shoqes. 500 euro dhe 150 kg ushqime janë ndihmat e para që mbërritën në redaksi për Skënderin dhe “Stop” ia dorëzoi atij. Ndërsa për një tjetër rast, atij të Julianit të paralizuar, shikuesit e “Stop” sollën një krevat të posacëm, por edhe shuma parash.
 

 
 
Qentë e rrugës dhe pa maska- rreziku ynë i përditshëm.
“Stop” ka bërë një vëzhgim për qentë endacakë, por edhe ata që nuk kanë maskë në gojë, pasi të zotët nuk e kanë parë të arsyeshme. Kjo dukuri është kthyer në realitetin dhe rrezikun tonë të përditshëm.Qytetarët ankohen, punonjësit e bashkisë “nuk i shohin”, ndërsa mjekët infeksionistë tregojnë, se kjo është një periudhë e rrezikshme për sulmin nga ana e qenve.Gent Stoni thotë, se cdo ditë ka 4-5 raste të kafshimit nga qeni.
 

Shoqata “invalide” e invalidëve në Durrës.
Shoqata e invalidëve në Durrës është në kushte të mjerueshme, edhe pse duhet të ofrojë asistencë për këtë kategori. Kryetarja e shoqatës Avdije Hoxha, thotë se i ka cuar një projekt ministrit Blendi Klosi, por ende nuk ka një përgjigje. Nga ana tjetër kryebashkiaku i Durrësit Vangjush Dako thotë se ka vënë 25 rampa në qytet për këtë kategori, por si për ironi të fatit, bashkia nuk ka një të tillë.

Previous ArticleNext Article

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *