Kryeministri Edi Rama përsëriti sot, për të pestën ditë me radhë, ftesën për dialog me studentët dhe protestuesit.

Kreu i qeverisë ka zgjedhur të vendosë para Kryeministrisë një tryezë betoni në formën e sofrës, mbi të cilën është shkruar fjala “dialog”. Rreth saj janë vendosur disa ulëse në formë jastëkësh, me qëllim që protestuesit të ulen dhe të zhvillojnë bisedime me të.

Kjo është dita e pestë radhazi që kryeministri Rama përsërit thirrjen për dialog. Megjithatë, më herët, karriget e vendosura prej tij janë hequr dhe thyer nga protestuesit, si shenjë refuzimi për të zhvilluar bisedime me kreun e qeverisë.