Një vit më parë, në 25 shtator 2018, “Stop” transmetoi mënyrën, sesi shpërndahej hashashi e drogat e tjera në shkollat e Tiranës.Në atë kohë reagoi policia e shtetit, duke u shprehur, se do të shtonte kontrollet në shkolla. Edhe kryeministri Rama, i pyetur në një studio televizive për kameran e fshehtë të “Stop” tha, se ministri i brendshëm austriak kishte kërkuar bashkëpunim për programin shqiptar të oficerëve të sigurisë në shkollat e mesme. Por gazetarët e emisionit janë rikthyer sërish në gjimnazin “Besnik Sykja”, duke kërkuar të blejnë hashash. Më lehtësi nxënësit gjejnë dhe blejnë hashash, duke ditur madje cmimin dhe cilësinë.Ata pohojnë, se dukuria është masive.