E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

SPAK kërkon rrëzimin e 23 kërkesave të Ilir Beqajt për dosjen “Sterilizimi”

Prokuroria e Posaçme ka kërkuar rrëzimin e 23 kërkesave të paraqitura nga ish-ministri i Shëndetësisë, Ilir Beqaj, në procesin gjyqësor për dosjen e “Sterilizimit”.

Gjatë seancës, prokurori Edvin Kondili u shpreh se kërkesat e Beqajt, përmes të cilave kundërshtohen akuza dhe veprimet procedurale të organit hetues, janë të pabazuara në ligj dhe duhet të rrëzohen.

Sipas SPAK, në shumicën e rasteve pretendimet e të pandehurit kanë marrë përgjigje gjatë fazës së hetimeve, në seancën paraprake dhe në vendimin e gjykatës që pranoi kërkesën për kalimin e çështjes në gjykim.

Lidhur me kërkesën për pavlefshmërinë e aktit të njoftimit të akuzës, SPAK argumentoi se ajo nuk mbështetet në ligj.

“Veprimet janë aprovuar nga gjyqtari paraprak me vendimin për pranimin e kërkesës për gjykim”, u shpreh prokurori.

Sa i përket pretendimit të Beqajt se akuza për vjedhje nuk provohet, prokuroria tha se i pandehuri nuk paraqet kërkesa konkrete, por ngre pyetje që, sipas saj, janë sqaruar dhe do të trajtohen në konkluzionet përfundimtare të palëve.

SPAK kundërshtoi gjithashtu kërkesën për përjashtimin e të dhënave elektronike të sekuestruara nga një kompjuter, duke argumentuar se ato janë siguruar përmes veprimeve procedurale në përputhje me ligjin.

Në lidhje me kërkesën për pavlefshmërinë e akuzës për “vjedhje duke shpërdoruar detyrën”, prokuroria vlerësoi se akuza është e bazuar në ligj dhe se burimet e provës, faktet dhe vlera e dëmit të pretenduar ndaj shtetit janë trajtuar gjerësisht në vendimin e gjyqtarit të seancës paraprake.

SPAK kundërshtoi edhe pretendimin e Beqajt për mungesën e kontratës origjinale të prokurimit. Sipas prokurorisë, kontrata origjinale nuk është gjetur në Ministrinë e Shëndetësisë, çka përbën shkelje administrative, por është administruar një kopje e njësuar në Fondin e Sigurimit të Detyrueshëm të Kujdesit Shëndetësor.

Për këtë arsye, organi i akuzës kërkoi rrëzimin e kërkesës së Beqajt, duke argumentuar se mungesa e kontratës origjinale në ministri nuk e bën të pavlefshme provën e administruar në proces.

Dosja “Sterilizimi”, shtyhet seanca në datë 11 shtator, zbardhet arsyeja

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑