OKB deklaron se 1.5 milionë banorë të Gazës janë zhvendosur për shkak të luftës. Raportohet se më shumë se 710,000 persona janë strehuar në objektet e drejtuara nga UNRWA, thekson agjencia e OKB-së për refugjatët palestinezë.

Ndërkohë, kushtet e mbipopulluara po shkaktojnë “rreziqe të rënda shëndetësore dhe mbrojtjeje” për ata njerëz që janë të zhvendosur, si dhe po shkaktojnë një taksë të rëndë për shëndetin e tyre mendor. Gjithashtu, OKB sqaron se dëmtimi i infrastrukturës së ujit dhe kanalizimeve po shton rreziqet e shëndetit publik.

Rreth 530,000 njerëz janë strehuar në 92 vende të UNRWA në jug të Gazës, me strehimore që tejkalojnë kapacitetin e tyre dhe nuk janë në gjendje të pranojnë të ardhurit e rinj, thotë OKB. Shumë njerëz të zhvendosur po flenë në rrugë pranë objekteve të UNRWA.