E Diel, 22 Nëntor 2026
Lajm i fundit
“Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit Ishte nën hetim vrasjen e gjyqtarit Paolo Borsellino, vret veten ish-kreu i policisë italiane
Aktualitet

Shqiptarët bëjnë namin/ Azilkërkuesit më të mëdhenj në rajon për 6-mujorin e parë 2023

Shqipëria kishte numrin më të lartë të azilkërkuesve në BE në 6-mujorin e parë të vitit 2023 në raport me vendet e Ballkanit Perëndimor.

Të dhënat e Agjencisë Europiane të Emigracionit tregojnë se, 4779 azilkërkues nga Shqipëria kërkuan azil në vendet BE (nuk përfshihet Britania e Madhe). Ndërsa nga Maqedonia ishin 3603 azilkërkues, nga Serbia 2570, nga Bosnja 851 dhe nga Mali i Zi 179 azilkërkues.

Tendenca e aplikimeve për azil të shqiptarëve vijon të mbetet tejet e lartë krahasuar jo vetëm me vendet e rajonit, por edhe më gjerë.

Të dhënat e gjysmës së parë të këtij viti tregojnë për shifrat më të larta të aplikimeve për azil të shqiptarëve krahasuar me vitet e fundit.

 

Gjysma e parë e këtij viti ka dëshmuar një zhvendosje të madhe të kërkesave për azil të shqiptarëve nga Europa drejt Britanisë së Madhe.

Aplikimet për azil në vendet e BE arritën 519 000 ne janar-qershor 2023, me një rritje prej 28% krahasuar me gjysmën e parë të 2022.

Sirianët vazhduan të parashtronin shumicën e kërkesave për azil në BE Në gjysmën e parë të vitit 2023, ata depozituan 67,000 aplikime, ose (47 % me pak krahasuar me të njëjtën periudhë të vitit 2022.

Të dhënat tregojnë se kërkesat për azil nga Rusia ishin te larta me rreth 12 mijë persona, ndërsa nga Ukraina rreth 7 mijë persona.

Emigrimi masiv, sidomos i të rinjve është rikthyer fort pas pandemisë, teksa shqiptarët po largohen duke rrezikuar jetën njësoj si në luftë, së fundmi duke kaluar detin nga Franca në Britani me gomone.

Bizneset pa përjashtim në të gjithë sektorët konsideruan mungesën e fuqisë punëtore për shkak të emigracionit sfidën më të madhe të aktivitetit me 2022. Ikjet ishin aq të mëdha këtë vit, saqë konsumi ka pësuar rënie të beftë në shumë artikuj, të tillë si brumërat, sheqernat etj.

Shqipëria po humb miliarda dollarë nga investimet në arsim teksa sistemi i pensioneve po vihet në rrezik nga reduktimin e forcës së punës që paguan sigurime. Sakaq bizneset po humbin mundësitë për zgjerim nga mungesa e punonjësve.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑