E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Shqipëria “takson” makinat elektrike: 15 mijë lekë në vit nga 2027, ndërsa bota i subvencionon

Makinat elektrike nuk shpëtojnë nga taksat, nga 2027 parashikohet pagesë vjetore prej 15 mijë lekësh

Makinat elektrike në Shqipëri pritet të përballen me një detyrim të ri financiar duke nisur nga viti 2027.

Në kuadër të Paketës Fiskale 2027, qeveria ka propozuar vendosjen e një takse fikse vjetore prej 15 mijë lekësh për autoveturat elektrike, ndërsa për motomjetet elektrike parashikohet një pagesë prej 1 mijë lekësh në vit. Masa është pjesë e projektligjit për ndryshimet në taksat kombëtare dhe, nëse miratohet, do të hyjë në fuqi nga 1 janari 2027.

Deri tani, automjetet elektrike përfitonin nga përjashtimi prej taksës vjetore të mjeteve të përdorura. Me skemën e re, ato do të kenë një detyrim të përcaktuar fikse, pavarësisht fuqisë së motorit apo vjetërsisë së automjetit.

Ndryshimi vjen në kuadër të një reforme më të gjerë të mënyrës së taksimit të automjeteve. Sipas projektligjit, taksa e qarkullimit nuk do të mblidhet më përmes çmimit të naftës dhe benzinës, por do të zhvendoset te pagesa vjetore e automjetit.

Në të njëjtën kohë, parashikohet rritje e ndjeshme e taksës për automjetet me motorë me djegie, ndërsa për makinat luksoze tarifa vjetore propozohet të rritet nga 21 mijë në 40 mijë lekë.

Sipas të dhënave të relacionit të projektligjit, ndryshimet synojnë të rrisin ndjeshëm të ardhurat nga taksimi i mjeteve. Nga rreth 7.2 miliardë lekë që pritet të mblidhen gjatë vitit 2026 me skemën aktuale, të ardhurat e parashikuara me sistemin e ri arrijnë në rreth 33.8 miliardë lekë në vit.

Vendosja e taksës mbi automjetet elektrike ka hapur debat, pasi në shumë vende europiane politikat fiskale përdoren pikërisht për të nxitur kalimin drejt automjeteve me emetime të ulëta, përmes subvencioneve, lehtësive tatimore dhe mbështetjes për infrastrukturën e karikimit.

Në Shqipëri, megjithatë, me skemën e propozuar edhe makinat elektrike do të kontribuojnë përmes një takse të posaçme vjetore.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑