E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

“Shqipëria është më mirë se kurrë”, Gonxhja: S’mund të dorëhiqemi dhe të lëmë çdo gjë në mes

Shqipëria sot është më mirë se kurrë më parë. Kështu iu përgjigj thirrjes së protestuesve ministri i Turizmit, Kulturës dhe Sportit, Blendi Gonxhja, të cilat dëgjoheshin teksa ministri publikonte vendimit e Këshillit të Ministrave.

Në një deklaratë për mediat pas mbledhjes së qeverisë, ai tha se qeveria është në një proces reflektimi dhe analize për të përmirësuar vendimmarrjen në interes të qytetarëve.

Sikurse edhe kryeministri Rama, ai përjashtoi mundësinë që qeveria të japë dorëheqjen si përgjigje ndaj kërkesave të protestuesve, duke argumentuar se mazhoranca ka një mandat të marrë nga qytetarët dhe duhet ta respektojë atë.

“Unë jam i lidhur shumë edhe historikisht dhe shpirtërisht me protestën si institucion. Natyrisht që matem shumë, jam matur në shumë prej daljeve të mia. Ne po analizojmë, po reflektojmë në çdo aspekt për çfarë është e mundur, që ne të bëjmë ç’ është e mundur që të kemi një proces vendimmarrjeje sa më të mirë për qytetarët tanë. Mund të ketë momente që ne mund të jemi edhe më kritikë ndaj vetes.

Tani të lëmë çdo gjë në mes dhe secili të heqë dorë nga gjithçka pa e ditur se çfarë është ajo që propozohet kalon përtej meje si Blend, kalon përtej meje si ministër. Ne kemi shumë përgjegjësi ndaj qytetarëve, karshi vendit, karshi një kontrate që përfaqësojmë këtu. Është në respekt të vetë, protestës që ne të sillemi me përgjegjësi ndaj atyre që na kanë votuar. Ne duhet të respektojmë vullnetin e të gjithë qytetarëve. Vetëm kështu mund të mendojmë se mund të kemi një rezultat më të mirë. Nuk ka asnjë mundësi që të kemi një Shqipëri perfekte befas, menjëherë dhe në kaq pak vite të një periudhe kur PS-ja, kur shumë institucione që i kanë besuar PS-së kanë kaluar sfida të cilat ju i dini shumë mirë.

Mund të themi me zë të lartë që mandatet që kemi kaluar, kanë qenë të ndikuara e të kushtëzuara nga tërmeti, pandemia. Janë dashur vite e vite, që ne jemi përpjekur që të superojmë, që të përballojmë një prej situatave më të vështira që bota ka kaluar. Shqipëria i ka superuar këto situata, Shqipëria sot është në këmbë, Shqipëria sot është më mirë se kurrë më parë, por niveli shumë i lartë i pritshmërisë së qytetarëve nuk përputhet me realitetin, por kjo nuk do të justifikonte hedhjen poshtë të gjithçkaje të bërë në këto vite”.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑