E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Shoqëruan me forcë një person në prani të fëmijës së mitur në Kuçovë, pezullohen nga detyra 3 efektivë

Me urdhër të drejtorit të policisë së shtetit, Skënder Hita janë pezulluar nga detyra tre punonjës të Policisë pranë Komisariatit Kuçovë, pas publikimit të një videoje në rrjetet sociale ku shfaqet shoqërimi i një qytetari.

Masat disiplinore përfshijnë inspektorët K. M. dhe D. D., me detyrë trupa e Patrullës së Përgjithshme, si dhe inspektor A. M., në cilësinë e ndihmësspecialistit (SPZ). Sipas vendimit të Drejtorit të Përgjithshëm të Policisë së Shtetit, Drejtues Madhor Skënder Hita, çështja i ka kaluar për verifikim Drejtorisë së Standardeve Profesionale.

“Në zbatim të kërkesave të ligjit ‘Për Policinë e Shtetit’ dhe të Rregullores së Policisë së Shtetit, Drejtori ka urdhëruar nisjen e hetimit disiplinor ndaj 3 punonjësve të pezulluar nga detyra, për shkeljet ‘Përdorimi i paligjshëm dhe i paarsyeshëm i forcës’ dhe ‘Kryerja e veprimeve që cenojnë rëndë figurën e punonjësit të Policisë, institucionin apo shërbimin policor në tërësi’”, thuhet në njoftimin zyrtar.

Në vijim të sqarimeve për opinionin publik, policia thekson se motivi i ndërhyrjes nuk lidhet me shkelje urbanistike.

“Shoqërimi i shtetasit D. T., që shfaqet në video, nuk është bërë për kryerjen e punimeve të ndërtimit pa leje, por për shkak se ndaj tij është bërë kallëzim për kanosjen e kunatës së tij,” përcakton njoftimi i institucionit.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑