Shënohet shifra më e ulët e infektimeve nga COVID-19 në tre muaj

Gjatë 24 orëve të fundit në Shqipëri janë kryer 1 281 testime dhe kanë rezultuar pozitivë 185 qytetarë ndërsa rastet fatale kanë qenë 6 të moshës 59-76 vjeç. Numri i infektimeve të reja ka pësuar një rënie të ndjeshme duke shënuar kështu shifrën më të ulët që është evidentuar që prej 13 tetorit të vitit të kaluar.

Aktualisht në 4 spitalet COVID, po trajtohen 274 pacientë, 28 në terapi intensive nga të cilët 7 pacientë janë të intubuar. Nga ana tjetër në 24 orët e fundit janë shëruar 348 qytetarë, duke e çuar numrin e të shëruarve 34,996 që nga fillimi i epidemisë.

Deri tani Shqipëria ka regjistruar 1 199 viktima të shkaktuar nga coronavirus ndërsa rastet aktive mbeten mbi 23 mijë persona. Ndërkohë deri tani janë kryer gjithsej mbi 264 mijë teste kurse numri i personave të shëruar ka arritur në gati 35 mijë persona.

31 raste në Tiranë, nga 19 raste në Shkodër, Vlorë, 12 në Sarandë, nga 9 raste në Kurbin, Lezhë, nga 8 raste në Durrës, Kavajë, Cerrik, 6 në Kamëz, nga 4 raste në Kukës, Lushnje, Dibër, nga 3 raste në Fier, Berat, Vorë, Patos, nga 2 raste në Krujë, Mirditë, Rrogozhinë, Librazhd, Mat, Gjirokastër, Delvinë, Tepelenë, Vau i Dejës, nga 1 rast në Korçë, Elbasan, Has, Pukë, Mallakastër, Përmet, Ura Vajgurore, Fushë Arrëz, Belsh, Malësi e Madhe, Kolonjë, Klos, Skrapar, Konispol.

COVID-19 – Statistika (04 Janar 2021)

Testime totale 269,383

Raste pozitive 59,623

Raste të shëruara 34,996

Raste Aktive 23,428

Humbje jete 1199

Shpërndarja gjeografike e rasteve aktive sipas qarqeve:

Tiranë 13577

Fier 1668

Shkodër 1315

Durrës 1187

Vlorë 942