E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Rritje pagash për policinë e Shtetit, ministri Malaj zbulon se cila kategori do të përfitojë

Ministri i Financave, Petrit Malaj gjatë prezantimit të buxhetit është ndalur edhe te dy sektorë të rëndësishëm si shëndetësia dhe siguria publike. Ai theksoi se buxheti garanton fonde shtesë si për përmirësimin e shërbimeve mjekësore, ashtu edhe për vlerësimin financiar të punonjësve të rendit.

Për sektorin e rendit dhe sigurisë publike Malaj tha se janë parashikuar gjithsej 36.7 miliardë lekë, ku 3.3 miliardë lekë përbëjnë shtesën e dedikuar posaçërisht për rritjen e pagave të efektivëve të Policisë së Shtetit.

“Masat kryesore që përfshihen këtu është 1 miliard lekë shtesë financim për barnat dhe pajisjet mjekësore në mbështetje të shërbimeve spitalore të kujdesit shëndetësor parësor e dytësor. Trajtimi me receta të rimbursueshme për rreth 400.000 pacientë si dhe rehabilitimi dhe ndërtimi i 20 spitaleve në vend. Këto fonde synojnë të përmirësojnë ofrimin e shërbimeve shëndetësore dhe të mbështesin qytetarët përmes furnizimit me barna, pajisje mjekësore dhe investime në infrastrukturën spitalore.

Siguria dhe rendi mbeten një pjesë e rëndësishme e prioriteteve tona. Për këtë qëllim, buxheti parashikon financimin e nevojshëm për këtë sektor si dhe mbështetjen shtesë për punonjësit e policisë së shtetit. Financimi parashikohet në masën 36.7 miliard lekë për rendin ku 3.3 miliard lekë janë shtesë në buxhet për pagat e punonjësve të policisë së shtetit.

Përfitojnë 8500 punonjës me gradën inspektor, të cilëve u rritet paga bazë me 20 mijë lekë të reja nga 73 mijë në 93 mijë. E theksoj, shtesa është mbi pagën bazë. Kategoritë e tjera, pra gradat e tjera do të përfitojnë një shtesë page nga 10 mijë deri në 15 mijë lekë. në varësi të gradave që ata kanë”, tha ai.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑