E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Reagon ministri Gogu: Po, kam takuar Erion Veliajn të premten! Më vjen thellësisht keq për të pavërtetat

Ministri i Drejtësisë, Toni Gogu, ka reaguar pas lajmeve të publikuara këtë të hënë lidhur me vizitën e tij në Institucionin e Ekzekutimit të Vendimeve Penale në Fier, ku ndodhet i paraburgosur kryebashkiaku i Tiranës, Erion Veliaj.

Përmes një reagimi publik, Gogu konfirmon se është takuar me Veliajn të premten, duke sqaruar se vizita është kryer në kuadër të përgjegjësive të tij si ministër i Drejtësisë, për t’u njohur me kushtet e trajtimit dhe për të dëgjuar ankesat e ngritura publikisht nga avokati i tij.

Ministri nuk e ka fshehur marrëdhënien personale me Veliajn, duke pranuar se i lidh një miqësi shumë e hershme. Megjithatë, ai ka kundërshtuar përmbajtjen e disa mesazheve që, sipas tij, i janë atribuar gjatë raportimeve të sotme.

Gogu shprehet se nuk dëshiron të besojë se këto pretendime janë përcjellë nga vetë Erion Veliaj, ndërsa thekson se nuk ka shqiptuar fjalët që i janë atribuar.

“Me Erionin më lidh një miqësi shumë e hershme, të cilën e dinë të gjithë. Por dua të jem krejt i qartë: Nuk i gjej dot arsyet pse janë stisur ato të pavërteta dhe nuk dua ta besoj që i ka thënë apo shkruar Erioni”, shkruan Gogu.

Ai shton se rrethanat e vizitës janë të dokumentuara dhe të verifikueshme, duke e lidhur takimin me shqetësimet për kushtet e trajtimit dhe respektimin e të drejtave të personave që ndodhen në paraburgim.

“Kam shkuar për të dëgjuar shqetësimet e një njeriu pas një tymnaje mediatike dhe shqetësimeve të kuptueshme të kujtdo që shqetësohet kur flitet për liri e të drejta. Rrethanat e vizitës janë të dokumentuara dhe të verifikueshme”, përfundon ministri.

Në fund të reagimit, Gogu shprehet se për pretendimet e tjera do të flasin koha dhe e vërteta.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑