E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Rama prezanton spitalin e ri: Do të jetë gati në vitin 2028-të, do të trajtojë sëmundjet e komplikuara

Kryeministri Edi Rama ka marrë pjesë në prezantimin e Health Hub Hospital që do të hapë dyer së shpejti në Tiranë. Gjatë fjalës së tij, Rama u shpreh sepunimet pritet të përfundojnë në vjeshtën e vitit 2028. Ai e ka cilësuar si një kaptull të ri për shëndetësinë teksa theksoi se ky spital do të trajtojë sëmundjet e komplikuara.

“Po e filloj me një falenderim të sinqertë, sepse nuk ka kaluar shumë kohë nga momenti që u takuam me dirigjentin e madh të orkestrës së grupit San Donato. Shtrënguam duart dhe i dhamë njëri-tjetrit fjalën që të mblidhemi në Tiranë për ndërtimin e një spitali ekselence, për t’i dhënë mundësi të reja, për të marrë kujdes shëndetësor për raste të komplikuara.

Kemi një kaptull të ri për shëndetësinë, ky spital do të trajtojë edhe sëmundjet e komplikuara. Kthimi i madh i Etore Sequi është i madh, pasi është italian që und të quhet më shqiptari nga italianët dhe më italiani nga shqiptarët. Shqipëria të ka bërë mirë dhe je me fat. Dua të falenderoj të gjithë ekipin e grupit që është kujdesur për projektin.

Jam i sigurt që punimet do të jenë të përsosura, kemi caktuar një datë, shpresojmë që inxhineri të mbajë fjalën, që gjithçka të jetë gati në vjeshtën e vitit 2028. Nuk mund të mos shtoj këtyre falenderimeve, ambasadorin Marco Alberti, është realisht dëshmitar i një transformimi gjithmonë e më të thellë të marrëdhënieve shqiptaro-italiane. Dua të falenderoj ambasadorin që po përpiqet për të marrë hapa konrketë drejt projekteve konkrete, ky është projekt konkret. Kemi nevojë për shtysë tjetër përpara”, tha Rama.

Ai ndër të tjera vuri në dukje kalimin nga një sistem i dështuar drejt një sistemi me standarde të reja, duke pranuar se rrugëtimi drejt përmbushjes së pritshmërive të qytetarëve ka nisur, por ende nuk ka përfunduar.

“Kemi bërë goxha punë për të rindërtuar, për të hapur realitete të reja me standarde të reja në sistemin tonë shëndetësor. Kemi bërë shumë për të kaluar nga një sistem që ishte një dështim i madh, në një sistem që ka nisur të rrugëtojë drejt asaj që është me legjitimitet të plotë ambicia e qytetarëve shqiptarë. Por kemi ende shumë punë për të bërë për të garantuar cilësi shërbimi”, tha Rama.

Ai gjithashtu vuri theksin te rëndësia e rritjes së nivelit profesional dhe krijimit të mundësive të reja për mjekët dhe infermierët shqiptarë.

“Do të jetë një spital ku ekselenca krijon kushte për mjekë e infermierë të rinj shqiptarë të shërbejnë në një realitet me nivele më të mira europiane”, shtoi ai.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑