Putin: Rusia, Kina dhe SHBA-ja kanë përgjegjësi të përbashkët për ruajtjen e paqes dhe sigurisë globale

Presidenti rus Vladimir Putin deklaroi se Rusia, Kina dhe Shtetet e Bashkuara të Amerikës kanë përgjegjësi të përbashkët për ruajtjen e paqes dhe sigurisë ndërkombëtare.

Deklarata u bë gjatë fjalës hapëse të Putinit në takimin trepalësh të mbajtur të enjten, ku ai theksoi rëndësinë e bashkëpunimit mes tri fuqive të mëdha për zgjidhjen e konflikteve globale.

“Vendet tona kanë interesa të shumta të përbashkëta në zgjidhjen e konflikteve rajonale, përfshirë padyshim konfliktin në Ukrainë”, u shpreh presidenti rus.

Putin bëri të ditur se çështja e Ukrainës ishte diskutuar edhe gjatë takimeve të tij të veçanta me presidentin kinez Xi Jinping, të mërkurën, dhe presidentin amerikan Donald Trump, të enjten.

Ai theksoi se bashkëpunimi mes Moskës, Pekinit dhe Uashingtonit mund të luajë një rol të rëndësishëm në garantimin e stabilitetit ndërkombëtar.

“Jam i bindur se Rusia, SHBA-ja dhe Kina, popujt tanë, janë të aftë të japin një kontribut të rëndësishëm në forcimin e paqes dhe stabilitetit në botë, nëse bashkëpunojmë në mënyrë konstruktive mbi bazën e respektit të ndërsjellë, barazisë dhe një ekuilibri interesash”, deklaroi Putin.

Deklaratat e presidentit rus vjen gjatë takimit dhe dialogut mes tri fuqive kryesore botërore në Kinë.

Të Fundit