E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Protestat kundër propozimit të PS për reformën territoriale, Rama: Djegia e teserave akt i turpshëm

Kryeministri Edi Rama ka reaguar në platformën “X” pas protestave të zhvilluara nga disa qytetarë dhe përfaqësues vendorë kundër propozimit për Reformën Territoriale.

Rama i ka cilësuar reagimet kundërshtuese si pjesë normale të procesit të konsultimit publik, ndërsa ka deklaruar se nuk ka asnjë vendim për të penguar askënd që të shprehë qëndrimin e tij.

“Vazhdon qarja e hallit të kalorësit se po i varen këmbët, së fundi edhe me një agjitacion të madh nga vajtorët e vajtojcat, që tanimë po protestohet edhe ‘brenda PS’ dhe kjo qenka një shenjë tmerrësisht e keqe për ‘regjimin’”, shkruan Rama.

Kryeministri u ndal edhe te djegia e teserave të Partisë Socialiste në Poliçan, duke e cilësuar një akt të turpshëm, ndërsa pjesën tjetër të reagimeve e konsideroi të mirëpritur.

“përjashto aktin e turpshëm të djegies së teserave të PS në një rast, nga disa individë që as vetë s’kanë ditur tamam ç’kanë bërë apo ndonjë rast kur deputetë tanët kanë bërë “tribunin e vegjëlisë” pa ditur tamam çfarë thonë, gjithçka tjetër është jo vetëm normale po edhe e mirëseardhur”, tha ai.

Sipas Ramës, reforma ndodhet aktualisht në fazën e konsultimit publik 60-ditor, ku qytetarët, bashkitë dhe këshillat bashkiakë kanë mundësi të shprehin qëndrimet e tyre.

“Dokumenti i reformës së propozuar është pikërisht në fazën e vet të konsultimit publik ligjor prej 60 ditësh dhe kjo fazë do të thotë pikërisht, bujrum gjithkush të shprehet lirisht për propozimin. sipas ligjit kryetarët e bashkive e këshillat bashkiakë duhet të shprehen me shkrim për qëndrimet e tyre dhe është krejt e kuptueshme që ata që janë kundër të shprehen edhe me forma të tjera paqësore – për sa kohë nuk bllokojnë rrugë e nuk pengojnë të tjerët të bëjnë jetën e tyre, duke u futur vetë në konflikt me ligjin dhe me PS bashkë”, tha shefi i qeverisë.

Rama theksoi se kundërshtimet mund të shprehen edhe përmes formave paqësore, për sa kohë nuk bien ndesh me ligjin dhe nuk pengojnë jetën e qytetarëve të tjerë.

Ai shtoi se vendimi përfundimtar për Reformën Territoriale do të merret nga Kuvendi, ndërsa gjatë periudhës së konsultimit do të dëgjohen të gjitha palët, përfshirë bashkitë që mund të kenë qëndrime të ndryshme.

“Sigurisht do të vendosë parlamenti, por deri atëherë të gjithë do të dëgjohen, përfshirë edhe bashkitë që mund të duan të integrojnë tek vetja bashki më të vogla që në propozimin aktual mbeten siç janë. Nga ana tjetër të gjithë do të informohen shumë më tepër përgjatë këtyre 60 ditëve lidhur me arsyet logjike të propozimeve – ku nuk ka pasur si të merren parasysh reputacioni i zonës bashkiake që nga koha e antikitetit, numri i të rënëve në luftrat e 2000 vjetëve të fundit apo të tjera të dhëna e gojëdhana të kësaj natyre, të cilat s’kanë qenë dhe s’mund të jenë farë argumenta në këtë debat“, tha Rama

Në fund, kryeministri tha se gjatë këtij procesi do të bëhen më të qarta edhe arsyet mbi të cilat janë bazuar propozimet për ndryshimet territoriale, duke nënvizuar se në këtë debat nuk mund të merren si argumente faktorë historikë apo simbolikë.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑