E Diel, 22 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Protestat, Avokati i Popullit: Detyra ime është të evidentoj rastet kur qytetarëve u cenohet e drejta e tyre

Avokati i Popullit, Endri Shabani, ka qenë prezent këtë të premte në Vlorë për të prezantuar Raportin Vjetor të Avokatit të Popullit për vitin 2025. Shabani është ndalur të flasë edhe për mediat, duke thënë se arsyeja e prezencës së Avokatit të Popullit në Vlorë është të dëgjojë ankesat dhe kërkesat e qytetarëve.

Sipas Shabanit, në Vlorë kërkesat janë kryesisht për pronat dhe menaxhimin e tyre. Shabani thotë se ankesat e qytetarëve lidhen me Kadastrën dhe Avokati i Popullit do të hetojë çdo rast që lidhet me shpërdorimin e detyrës, tjetërsimin e pronave dhe ankesat e qytetarëve.

Shabani thekson se detyra e Avokatit të Popullit është të mbrojë të drejtat e qytetarëve dhe të jetë ndërmjetës për të zgjidhur kërkesat dhe ankesat e tyre.

I pyetur nga gazetarët, Shabani thotë se Avokati i Popullit nuk mund të mbajë asnjë qëndrim mbi kërkesat e protestuesve. Detyra e tij është të evidentojë rastet kur te qytetarët cenohet e drejta e tyre apo kur institucionet, si Policia e Shtetit, shkelin përgjegjësitë e funksionimit të tyre.

Ndërsa, për sa i përket komenteve negative të bëra në profilet e bizneseve në vend, Avokati i Popullit, Endri Shabani, thotë se nuk ka informacionin e duhur, por nëse cenohet e drejta e shprehjes së lirë të qytetarëve, do të nisë një hetim për rastin dhe do të ketë një reagim zyrtar.

Së bashku me përfaqësuesit më të lartë të pushtetit lokal, si dhe në prani të qytetarëve, në Vlorë është prezantuar Raporti i Avokatit të Popullit për vitin 2025.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑