E Hënë, 23 Nëntor 2026
Lajm i fundit
Durrësi harron tërmetin, KLSH: Bashkia nuk zbatoi qindra vendime për prishjen e ndërtimeve të paligjshme “Liria e fjalës nuk është pronë e profileve anonime”, Kumbaro reagon pas sulmeve online ndaj të rinjve pjesë e takimit me Kryeministrin Raporti, gjysma e familjeve shqiptare nuk përballojnë një shpenzim të papritur prej 1,000 eurosh pa borxh Rama: S’mendoj se duhet të zgjedh, ose mik me Mickoskin, ose me shqiptarët A është i vërtetë apo i rremë i famshmi Këmbëmadhi? Administrata Trump publikon përgjigjet Xhensila Myrtezaj përfundon në gjyq për evazion fiskal, dyshohet se fshehu mbi 60 milionë lekë të ardhura “Është në lojë jeta ime”, Veliaj: Nuk refuzoj operacionin, por dua të zgjedh vetë mjekun dhe spitalin Spiropali: Nuk pendohem, nuk gjunjëzohem dhe nuk pres mëshirë Trump për sulmin kibernetik ndaj FBI-së: Nuk më pëlqen, por ndoshta do të mësojmë gjëra që nuk i dinim Rama për Ditën e Alfabetit: Nën hijeshinë e këtyre gërmave jeton kujtesa dhe frymon e ardhmja e kombit
Aktualitet

Protesta në Francë, qytetarët kundër dhunës së Policisë, sulmohen gazetarë dhe aktivistë

Kryeqyteti i Francës vazhdon të jetë i përfshirë nga protesta, ku qytetarët kundërshtojnë dhunën e ushtruar nga policia, si dhe ligjin për sigurinë që ka vendosur së fundmi qeveria.

Qytetarë, aktivistë të medias së lirë dhe gazetarë kanë marshuar në rrugët e qytetit të Parisit për të protestuar një projektligj për sigurinë që synon të rrisë mjetet e mbikëqyrjes dhe të kufizojë qarkullimin e imazheve të policëve në media dhe në internet. Ky projektligj sipas demonstruesve nuk planifikon të kufizojë vetëm të drejtat civile të qytetarëve, por edhe lirinë e gazetarëve në vend.

Marrja e një vendimi të tillë nga parlamenti ka vënë në lëvizje protestues të shumë, të cilët duke marshuar kanë mbajtur në duar pankarta dhe kanë brohoritur slogane si “LIRI” apo “Ndal cenimit të informimit”.

Projektligji është miratuar me qëllim ashpërsimin e rendit dhe ligjit në vend pjesë e politikës së presidentit Emanuel Macron, pasi Franca është në pritje të zgjedhjeve presidenciale, të cilat do të mbahen në vitin 2022.

Qeveria më parë kishte bërë thirrje se forcat e policisë duhet të mbroheshin më mirë nga urrejtja e shfaqur në internet. Megjithatë, arritja e kufizimit të një impakti të tillë online kundër policisë, ka provokuar reagim publik.

Kjo ka sjellë edhe përplasje me policinë,e cila nuk ka kursyer kundërpërgjigjen fizike apo shpërndarjen e protestuesve me anë të ujit.

Pas marshimeve në rrugë qeveria franceze ka bërë me dije se do të rishikojë projektligjin, teksa Kombet e Bashkuara i kanë bërë thirrje Francës të tërhiqet nga vendimi i konsideruar si “problematik”.

Megjithatë komunikimi  i qeverisë franceze për rishikimin e projektligjit nuk i ka ndalur protestat në vend.

Denonco te STOP

Keni një shqetësim që duhet ta dijë opinioni publik?

Na kontaktoni me telefon ose WhatsApp. Ekipi i STOP verifikon çdo sinjalizim dhe del në terren.

↑